سیر ایلینده کوفه نی شاه شهیدان نیزه ده #کوفه_نجمی_تبریزی

کوفه
.
.
مرحوم نجمی تبریزی
.
.
سیر ایلینده کوفه نی شاه شهیدان نیزه ده
اولدی شهادت چرخینون خورشیدی رخشان نیزه ده
.
.
گزدی دولاندی کوفه نین هر کوچه و بازارینی
اما حریم عصمتین تار ائتدی روزگارینی
وار علتی بیر رشتیه دوزدی او شه انصارینی
یتمیش نفر قربانینی بیر بیر وئروب سان نیزه ده
.
.
عهد ایلمیشدی عَدویده بذل ایلسون اوز جانینی
اوز عهدین ایفا ایلدی خشنود ائدوب جانانینی
وئردی یارالی باشیله پایانه اوز پیمانینی
بیر ذرّه اصلا قویمادی عهدینه نقصان نیزه ده
.
.
پیغمبر اوغلى عالمه آندیردی اوز حقّیّتین
گون تک اودور وئردی نشان هر یرده مظلومیتین
دین مبینه دمبدم تکمیل ائدردی خدمتین
دنیانی حیران ایلدی شاه شهیدان نیزه ده
.
طی ایلدی چون بیربه بیر عشقین او شه هر پایه سین
آرتوردی قانلو باشیله شرع نبی پیرایه سین
لحن حجازیله او گون شرح ایلدی کهف آیه سین
ایلردی اهل کوفیه تفسیر قرآن نیزه ده
.
.
شور قیامت مطلقا ائتدی او ساعتده قیام
قالدی نه حاله بیلمورم آل شه فخرالانام
قانه کوله تپراقه چون باتمیشدی اول بدر تمام
اولموشدی گویا منخسف بیر ماه تابان نیزه ده
.
.
چوخ پوزدی شاه غم حشم دلدن باجیسی زینبی
دوشدی نه حاله کیم بیلر اول برج عصمت کوکبی
اوج ائتدی گورجک قارداشین افلاکه یارب یاربی
گوردی دوباره قانینه ایلوبله غلطان نیزه ده
.
.
وای قارداشیم وای سسلنوب توکدی عذاره گوزیاشین
سلب اولدی صبری محمله ویردی او اثناده باشین
پوزدی بتوله نائبه زینب یارالی قارداشین
قارداش باجی احوالینه ایلردی افغان نیزه ده
.
.
بیر باش که نور عینیدی ریحانۀ پیغمبره
شأن و شرافت آرتوران دسمالی عرش داوره
آیا روادور ظلمیله باتسون او باش خاکستره
یا قانی آخسون ایلسون رخسارین الوان نیزه ده
.
.
«نجمی» اگر داش اولسا دل بو غمده آغلار آغلاماز؟
گوزدن سرشک حسرتین رخساره باغلار باغلاماز؟
درد مصیبت سینۀ زهرانی داغلار داغلاماز؟
گورسه یارالی اوغلونون باشین او نالان نیزه ده
.
.
#کوفه #نجمی_تبریزی
#سیر_ایلینده_کوفه_نی_شاه_شهیدان_نیزه_ده
#ترکی
.