سیزون قاپوز در لطف و عطادی یا مهدی #علی_صراطی

یا مهدی
.
#زبدةالاشعار
.
: @nohe_torki
.
حاج #علی_صراطی
.
سیزون قاپوز در لطف و عطادی یا مهدی
محبّت اهلینه چوخ با صفادی یا مهدی
.
صفای دلدی سیزون درگهوز محبّ لره
در بهشت حق کبریادی یا مهدی
.
دیسم خلاف دگل خاک پاک درگاهوز
ملائکین گوزینه توتیادی یا مهدی
.
سیزون محبّتوزی کیم ویره بو دنیایه
ولایت اهلی دگل بی ولادی یا مهدی
.
او سائلم که من اسراریمی سیزه دیرم
شکسته نی کیمی شغلوم نوادی یا مهدی
.
منی قاپوزدان اگر دست خالی قِیترسوز
سیزه سزا دگلی ناروادی یا مهدی
.
بسیمدی گوشه ی چشمیله بیر نظر ایلسوز
او باخماقوز منه جداً عطادی یا مهدی
.
دونوبدی قانه گوگللر چو لاله ی رنگین
گئجه گونوز سوزوموز کربلادی یا مهدی
.
حسین محبّتینی کیمدی جنّته ویرسون
بهشتیدنده بیزه پربهادی یا مهدی
.
لوای عشقی توجّه ایدون فراقه ووراخ
که اهل عشقه او یر مدّعادی یا مهدی
.
اوتوز بش ایلدی “صراطی” حسین حسین دیوری
گل وصالی درنمور، سزادی یا مهدی؟
.
مریض عشقدی، گرچه لیاقتی یوخدی
ولی بو عشق اونا کیمیادی یا مهدی
.
.
#مهدیه
#سیزون_قاپوز_در_لطف_و_عطادی_یا_مهدی
#ترکی
.
#زبدةالاشعار
.
: @nohe_torki