میلادیه حضرت امام حسن مجتبی علیه السلام
✍️ زبدة الاشعار ✍️
🆔: @nohe_torki
حاج اصغر فرشچی (عدلی تبریزی)
شاخه دین غنچه ویردی شادو خرم دور چمن
قامت رعناسی واردی شرمسار سرو و سمن
لطف ایدوب پروردگار بو نیمه ماه صیام
شهر یثرب نور باران چون سالوب نورون حسن
گُل نه گُل عطر جنان وار بو گُلِ زهرائیدی
یرگویی دولدوردی عطر پر بها مشک ختن
گلستان احمدیدن باش ویروب بو غنچه گُل
مثلنی هرگز گورنمز هیچ گلستان هیچ چمن
با وجاهت با ملاحت حسنونه یوخدورنظیر
مه جماله رشک ایدور هم ارغوان هم نسترن
ماه برج احمدی دور اولدی طالع بوگجه
بو حسندی آچدی گوز سبط رسول مُوتمن
خاتم پیغمبرانون شمع بزم محفلی
مادری زهرای اطهر باب پاکی بوالحسن
مظهر جود و سخا و زاهد و هم صلح جو
معدن علم و کمال و دانش و اهل سخن
معصوم ایچره دورد مینجی عالم امکانیده
مسلمینه پیشوا بعد ِعلی فخر زمن
خصلت مردانه دارا بُرد بار و هم بسیم
وارث مولا علیدور هم شجاع لشکر شکن
مسلمینه درس دین و هم دیانت صبروعشق
وِیردی اولدی همنشین گوزده اورکده حسن ظن
حیف اولا عهد امامت اولدی ملحد لن قرین
معاویه اهل عداوت اهل کینه هم فتن
گورمدی صدق وصفا دورو برینده دلغمین
صلح ایده ناچاریدی اول دینینه استاد فن
صدمه لرگوردی تحمل ایلدی باش اگمه دی
لیک دشمن دولدوروب قلبین دولوب درد و محن
عاقبت زهرجفای دشمنه مسموم اولوب
لخته لخته قان جگردن آخدی دولدی تا لگن
خاتم پیغمبرانون شمع بزم محفلی
مادری زهرای اطهر باب پاکی بوالحسن
تاپشوروب ام امامت قارداشااولدی خموش
دشمنی جرات تاپوب منبر اولوب جای زغن
جوردشمن یتمیوب پایانه نعشین ایلیوب
تیر باران جسم پاکی دولدی قانیله کفن
«عدلیا» جایز دگول بو گون مصیبت یازماقون
ماه اعظم روز میلاد مدحینه باشلا سخن
#حسنیه_میلادیه
#شاخه_دین_غنچه_ویردی_شاد_و_خرمدور_چمن
#حسنیه_عدلی_تبریزی
#ترکی
✍️ #زبدةالاشعار ✍️
🆔: @nohe_torki
نظر دهید