اربعین حسینی
.
#زبدةالاشعار
.
: @nohe_torki
.
حسین ساکت خسروشاهی
.
((شاماتی گزوب دیدۀ خونباریله گلدیم
قبر اوسته گلن دسته زواریله گلدیم )) (1)
.
آلدون دلیمی جلوۀ اوّلده الیمدن
مجذوبون اولوب جذبۀ اجباریله گلدیم
.
عمرومجه سعادتله برابردی بو ساعت
زوارون اولوب خیل عزاداریله گلدیم
.
هر دوره ده عشق اهلینه سرمشقدی عشقون
مشق ایلدیم عشقون دل بیداریله گلدیم
.
نه سن منی آتدون و نه من عشقوى قارداش
شکر آللاها یاریله گئدوب یاریله گلدیم
.
زنجیرینی زنجیره چکیلمیش لرین آچدیم
وردیم ال اله دستۀ احراریله گلدیم
.
فکر ائتدیم اگر مدفنوی گورمه سم ئوللم
دنیا دولوسی نشئۀ دیداریله گلدیم
.
بیدار ائله دورسون سو وئروم اصغره قارداش
بیر قلبی جوشان چشمۀ سرشاریله گلدیم
.
هرچند که سندن صورا من بیر سفر ائتدیم
مین قصۀ جانسوز و جگرخواریله گلدیم
.
پیغاموی یوللاردا هامی خلقه یتوردوم
بیدار ایلدیم عالمی گفتاریله گلدیم
.
بیر چرخ ستاره مدن آخوب نچه سی باتدی
یدّی فلک اندوه دل آزاریله گلدیم
.
لازمدی یانان قلبیمه بیر شاهد اولیدی
کلثوم کیمی فاطمه رفتاریله گلدیم
.
شام ایچره گجه وقتی بیر انگشتر ایتوردوم
گلموردی یوزوم عابد بیماریله گلدیم
.
صد حیف الیم چیخدی او تک گوهر الیندن
سالدیم دله دردین غم دلداریله گلدیم
.
پنهان ئوزونی ایلدی ویرانه یرینده
ویرانه ده قویدوم سر ناچاریله گلدیم
.
«ساکت» سنی جوشدوردی جگر پاره (هندی) (1)
تعقیبینه تصدیقینه اقراریله گلدیم
.
(1) شعر مرحوم #هندی_تبریزی با مصرع اول زیر:
#شاماتی_گزوب_دیده_خونباریله_گلدیم
.
#اربعین_حسین_ساکت
#شاماتی_گزوب_دیدۀ_خونباریله_گلدیم
#ترکی
.
#زبدةالاشعار
.
: @nohe_torki
نظر دهید