شامیدن گلموشم دیداره قارداش #اربعین_عافی_تبریزی

اربعین
.
#زبدةالاشعار
.
: @nohe_torki
.
مرحوم عافی تبریزی
.
.
شامیدن گلموشم دیداره قارداش
دورمحبت ایله زواره قارداش
اربعینه گلموشم من ماجرالی
جان یارالی جان یارالی جان یارالی
.
.
شوق وصلون منیم چخماز باشیمدان
دردیم اظهار اولار بو گوز یاشیمدان
آیریم حشره تک اوز قارداشیمدا
کاش ئولیدیم من اولیدیم کربلالی
جان یارالی جان یارالی جان یارالی
.
.
جانویرور هر دل مدهوشه قبرون
خلقی حیران ایدیر ششگوشه قبرون
گویلوم ایستور چکم آغوشه قبرون
ایلییم تا درد دلدن بلکه حالی
جان یارالی جان یارالی جان یارالی
.
.
اولدوم اطفالوه همناله گلدیم
حق بولور من قالوب نه حاله گلدیم
خوش دلم کعبۀ آماله گلدیم
روح ویرورهربیرطوافون ای وفالی
جان یارالی جان یارالی جان یارالی
.
.
سن کی درک ایلدون فیض شهادت
اولدی آللهه بر پا قیامت
نه دیوم نیلدی وحشی جماعت
آغلادوبدی نچّه طفلی ارتحالی
جان یارالی جان یارالی جان یارالی
.
.
چوخ جنایت اولوب اشرار الیندن
الامان شمر بد کردار الیندن
چوخ گوروب قزلارون آزار الیندن
شعله وردی دلده غصه اشتعالی
جان یارالی جان یارالی جان یارالی
.
.
قلبیمی یاندیروب اصغر آناسی
آغلوری دلده وارهجران یاراسی
اوخلانوب سود امرعطشان بالاسی
چوخدی دردی ئوزده واردی اشک آلی
جان یارالی جان یارالی جان یارالی
.
.
تیر درد و غمین آماجیم من
لشکر غصه نین تاراجیم من
قامتی خم اولان بیر باجیم من
قبرون اوسته گلموشم چون نی نوالی
جان یارالی جان یارالی جان یارالی
.
.
راه رسمی دیمه قارداش ایتیردیم
ایتدیقوم عهدیمی باشه یتیردیم
پوزقون اطفالیوی یغدیم گتیردیم
هر یتیمون دلده واردی چوخ ملالی
جان یارالی جان یارالی جان یارالی
.
.
هر بیری نی کیمی گلموش نوایه
شورو شیون سالوب کربوبلایه
لیلی قویموش ئوزون پائین پایه
دردینی بیربیر دئیر اول ابتلالی
جان یارالی جان یارالی جان یارالی
.
.
دیمورم درددیله آکنده گلدیم
دیمورم قورتولوب ایمنده گلدیم
دیورم قرخووا شرمنده گلدیم
بو فکارین دلده قالدی ایده آلی
جان یارالی جان یارالی جان یارالی
.
.
نجم تک بیر قیزون باتدی حسین جان
جان ویروب مقصده چاتدی حسین جان
کنج ویرانه ده یاتدی حسین جان
حیف دوشدی کربلادن چوخ آرالی
جان یارالی جان یارالی جان یارالی
.
.
صاغلیقندا ئوزه گوز یاشی آخدی
قلبیمی نسگلی یاندیردی یاخدی
جان ویرنده منه حسرتله باخدی
سولدی گول تک گول اوزی زهرا مثالی
جان یارالی جان یارالی جان یارالی
.
.
وار ربابین حسین عالمجه دردی
فوج غمله اولوب دائم نبردی
بو دل مجروحینون وار آه سردی
ورد ایدوبدی زینبون تک بو مقالی
جان یارالی جان یارالی جان یارالی
.
.
لطف قیلدی منه پروردگاریم
زائر اولدوم سنه ای تاجداریم
واردی سندن منیم چوخ انتظاریم
غملنر گورسه بو پوزقون خیالی
جان یارالی جان یارالی جان یارالی
.
.
گر چه چوخ گورموسن خنجر یاراسی
یخمیوب دشمن کافر یارالی
آلدی آرامووی اکبر یاراسی
منده قارداش اوخشارام او مه جمالی
جان یارالی جان یارالی جان یارالی
.
.
.
«عافی» آچموش الین مانند سائل
بیر برات ایستوری ای گل شمایل
لطف قیل تز اولا مقصوده نائل
منتظردی دائما هرماه و سالی
جان یارالی جان یارالی جان یارالی
.
.
#اربعین_عافی_تبریزی
#شامیدن_گلموشم_دیداره_قارداش
#ترکی
.
#زبدةالاشعار
.
: @nohe_torki