اربعین
.
✍️ #زبدةالاشعار ✍️
.
🆔: @nohe_torki
.
#سبک … 4 سبک
با صدای حاج غلامعلی امامی و جودی مراغه ای
.
مرحوم سعدی زمان
.
شامیدن گَلدیم اویان قارداش حسین
حالیمی ایلوم بیان قارداش حسین
.
بو بلالی باشدا قارداش قاره سی
قبریوه گَلدی وطن آواره سی
.
.
واریدی قلبیمده چوخدان بو خیال
محضرونده ایلیِیدیم عرض حال
شکر لِلَّه تاپموشام بزم وصال
ای شه کون و مکان قارداش حسین
.
.
بوینوما عشقون سالوب زنجیر عشق
ایتمیشم دلده آدون بیر عمر مشق
گاه اولوب کوفه یریم گاهی دمشق
مونسیم آه و فغان قارداش حسین
.
.
کوچ ایدن ساعت بو چولدن شامه من
یرده گوردوم گُل کیمی صد پاره من
کیم ویروب غسلون کیم ایلوبدور کفن
ای وجودی دوغرانان قارداش حسین
.
.
سانما عشقون سهل قارداش سانموشام
هجریوه بیر اربعین اودلانموشام
جسمیمه باخ گور نه نوعی یانموشام
اولموشام قدّی کمان قارداش حسین
.
.
کوفیان تشکیل غارت قوردولار
باشیم اوسته دسته دسته دوردولار
باشیمه چوخ تازیانه ووردولار
باغریم اولدی لخته قان قارداش حسین
.
.
شامیان سانما جفادن دویدولار
غابد بیماری اوتدا قویدولار
اهل بیت مصطفانی سویدولار
ایتدولر چوخ ظلم عیان قارداش حسین
.
.
کوفه ده آگهسن ای میر حجاز
نه جفالر گوستروب اهل مجاز
ایتدی پیغمبر عیالین پیشواز
نچّه دسته کف چالان قارداش حسین
.
.
دوتموری دل عرض ایدوم گوردوم نَلَر
نوک نِی ده باشون ایلوردی نظر
قلبیمه ووردی نه اوخ سازنده لر
یاندیم اودلاندیم اینان قارداش حسین
.
.
نیزه ده باشون گوروردی دم به دم
بیزلرده نیلوردولر قوم ظُلَم
بیر به بیر لازم دگل توضیح ایدم
نیلیوبلر شامیان قارداش حسین
.
.
ایسته دیم حقّیّتون اعلان ایدم
تاپمادیم بیر رشته من عنوان ایدم
خلقه کشف نکته ی پنهان ایدم
قالمیا حقّون عیان قارداش حسین
.
.
بیر نمایش اول زمان ویردیم نشان
عالمه حقّیّتون قیلدیم عیان
من حقیقتدن ایدن ساعت بیان
نطقیدن سالدی سَنان قارداش حسین
.
.
قانلی باشون ایلدی زیب جِدا
باشیوه باخدوقجا یاندیم یا اَخا
کُل دوتوب گوردوم جمالون برملا
گوز یاشیم اولدی روان قارداش حسین
.
.
ووردولار بیر داش یاراسی باشیوه
قان قاریشدی نیزه ده گوز یاشیوه
هم سنه هم کوفه ده قارداشیوه
یاندی زینب هر زمان قارداش حسین
.
.
سسلدیم فریاده آل هاشمی
محمله ووردوم او ساعت باشیمی
شوریله توکدوم یوزه گوزر یاشیمی
عشقیمی ویردیم نشان قارداش حسین
.
.
نیلیوب مرجانه نین اوغلی منه
نه دیوم هر ظلم واضحدور سنه
وار یری گَلسون اُلونجه شیونه
زینب بی خانمان قارداش حسین
.
.
مصحفه فخر ایلسه انجیل اگر
وار یری ایتمز ملامت بیر نفر
ارمنی لر بیزلره رحم ایتدیلر
ویردیلر دیری مکان قارداش حسین
.
.
یاندوروبلار دیده گریان زینبون
بُلمیوبلر هیچ مسلمان زینبون
قویدی استهزایه دونان زینبون
شام ظلمیندن امان قارداش حسین
.
.
دلخوشام قارداش یتوب بیر بیله غم
وار یزیدین مجلسیندن چوخ گِلَم
نحس اَلیله ووردی اول کافر شِیَم
لبلروندن خیزران قارداش حسین
.
.
ویردیلر منزل بیزه ویرانه ده
بیر قیزون جان ویردی اول غم خانه ده
سس سسه ویردی همان کاشانه ده
آغلادی بیر کاروان قارداش حسین
.
.
چوخ چَتین دور تاب ایدم بو حاله من
وار یری ایتسم اُلونجه ناله من
شامیده اولدوم اونا غسّاله من
یانموشام من، سنده یان قارداش حسین
.
.
ای «حسینی» دوت حسینون دامنین
ایسته سین اوز قبرینه بیر اربعین
ذکر ایداخ اوردا بو نظمین مطلعین
شامیدن گَلدیم اویان قارداش حسین
.
.
.
#اربعین_سعدی_زمان
#شامیدن_گلدیم_اویان_قارداش_حسین
#لمعات_حسینی ص 403
#ترکی
.
✍️ #زبدةالاشعار ✍️
.
🆔: @nohe_torki
نظر دهید