شامین یولوندا دختر سلطان مشرقین #راه_شام_خازن_تبریزی

راه شام
زبانحال حضرت زینب سلام الله علیها
خطاب سرمقدس حضرت اباعبدالله الحسین علیه السلام
.
زبدة الاشعار
.
?: @nohe_torki
.
مرحوم خازن تبریزی
.
شامین یولوندا دختر سلطان مشرقین
یوزدوندروب جدا باشنا عرض ایدوب حسین
.
بولمم بو یولدا باشیمه قارداش نلرگلور
غم منده یوز گوروب گونی گوندن بترگلور
.
راز درون سینمی فاش ایلسم حسین
آغلار گوزومدن اوز اوزونه اشک ترگلور
.
چوخ اشک توکموشم گوزومون یاشی قورتولوب
گوزدن عوض سرشکیمه خون جگر گلور
.
بیر کارواندی کعبۀ دلدن عروج ایدوب
آدین قویوبلا گوزیاشی شام و سحر گلور
.
از بس بو یولدا شمرشرارت دالینجادور
بو فرقه دن همیشه بیزه شورو شر گلور
.
اهل جفا کمندینه سالدی قضا بیزی
اهل وفایه اهل جفادن خطر گلور
.
آهو سوروسی تک دوشن آردونجا چوللره
بیر دسته آهوان حرم دور ملر گلور
.
شب تیره ساربان بیله بیرحم یول اوزاق
قمچی الینده شمر ستمگر گیدر گلور
.
گاهی ویرار حرم لریوی گاه قیزلارون
اولموش بلایه آل پیمبر سپر گلور

بیراه گوردی یوللاری رحم ایتدی زینبه
اولموش باشون جداده بیزه راهبر گلور
.
یولدان چخوب یتیمه لرون یولدا قالماقون
آغلار گوزوم حسین یول اوزون سو سپر گلور
.
کانون قلبیمون اودی دنیانی یاندیروب
هر دم خیالیمه او یانان خیمه لر گلور
.
سوندی ستمله شمع شبستان عیشیمیز
پروانه لر یانا یانا بی بال و پر گلور
.
سندن حسین گچن گجه چوخ نا گرانیدیم
اُولسون باجون خیاله عجب فکرلر گلور
.
آلدیم خبر حسین سنی شمر لعین دئدی
مهماندی خولیه گجه امّا سحر گلور
.
بولدوم تنور خولیده آسوده یاتموسان
قانلی باشون گوتورموش او یردن اثر گلور
.
گه نیزه گه تنور گهی دیر گه کنشت
بو باشه بولمورم نقدر درد سر گلور
.
گه کوفه ده آسالاّ آغاشدان ویرالاّ داش
گه خیزران غمی گهی ظلم فنر گلور
.
یول قورخولوقدی ایلمروخ لیک واهمه
عباس تک بو دسته ده صاحب هنر گلور
.
کلثوم بو مراحل مِحنتده باغلیوب
قانه دونن سرشکیله بارسفر گلور
.
بیربیرباخورجدالره عباسی آختارور
بی اختیار باشینه توپراق سپر گلور
.
بولمم نه یرده گوردی علمدار باشینی
دیوانه تک اوزوندن اولوب بی خبر گلور
.
مجنون اولوبدی لیلی گزر کوهساریده
پابند تار عشقدی شوریده سر گلور
.
چون دستگیر طرّۀ اکبردی نیلسون
عشقون کشاکشی اونی شامه چکر گلور
.
زلفون سالوبدی عارضه بیچاره نو عروس
گزلینجه حُسن قاسمه ایلر نظر گلور
.
عرض ایلرای عم اوغلی سنون من اسیریوم
تاب ایلرم بو یولدا بلا هر قدر گلور
.
من تک عروس سن کیمی داماد نا مراد
بوبی وفا جهاندا عم اوغلی مگر گلور
.
شام ایچره جار چکدیلر حکم یزیدیله
شهر دمشقه عترت خیر البشر گلور
.
بازاری باغلیون ایلیون پیشواز عام
پیغمبرین عیالی اولوب دربدر گلور
.
جورو جفا و ظلمیله اسلام امامینی
زنجیره باغلیوبدی بو قوم کفر گلور
.
بیر کاروان بو شهره گلور مایۀ عزا
محمل لری قاباخجا دالی نیزه لر گلور
.
ای مدعی عبث یره چوخ ایتمه ادعا
( خازن) کیمی جانه مگر نوحه گر گلور
.
.
.
#راه_شام
#شامین_یولوندا_دختر_سلطان_مشرقین
#بولمم_بو_یولدا_باشیمه_قارداش_نلر_گلور
#خازن_تبریزی
#ترکی
.
#زبدةالاشعار
.
?: @nohe_torki