شام ایچره روح دینی احیا ایدوبدی زینب #مجلس_یزید_فراقی

انقلاب حضرت زینب (س)
در مجلس یزید
..
..
..
فراقی مرندی
..
..
..
شام ایچره روح دینی احیا ایدوبدی زینب
بیر نطقیله یزیدی رسوا ایدوبدی زینب
..
بزم یزیده گیتدی بنت ابوالعجائب
حق اوسته ئوز لسانین گویا ایدوبدی زینب
..
کفّار مجلسینده بانوی انقلابی
اوّل ثناى حىّ یکتا ایدوبدى زینب
..
دین پرچمی الینده الله آدی دیلینده
هند اوغلونون ایوینده غوغا ایدوبدی زینب
..
زهرا کیمی دانشدی ئوز زینبی دیلیله
نقش حسینه زیبا ایفا ایدوبدی زینب
..
جدّی رسول آدیله ویردی او بزمه زینت
بیر شمّه شرح حال طاها ایدوبدی زینب
..
مفهوم هل اتانی اسرار انّمانی
سفیانیان ایچینده معنا ایدوبدی زینب
..
گوستردی استقامت ویردی نشان شهامت
انگیزۀ قیامت برپا ایدوبدی زینب
..
فریاد یا محمد فریاد واعلیا
مجلسده یاد نطق زهرا ایدوبدی زینب
..
حفظ ایلدی حجابی سوز اولدی آفتابی
مفهوم انقلابی افشا ایدوبدی زینب
..
عیش یزیدی پوزدی تبدیل ایدوب عزایه
طومار فتح شامی امضا ایدوبدی زینب
..
ناگه یزید ملعون ال آتدى خیزرانه
شور و نوانی اوردا بنیاد ایدوبدی زینب
..
طشت طلاده گوردی قرآن اوخور کسیک باش
چشم گهر نثارین دریا ایدوبدی زینب
..
خاموش اول فراقی چوخ وورما عشقدن دم
جانان یولوندا جانین اِهدا ایدوبدى زینب
..
..

#مجلس_یزید #فراقی #ترکی #زبدةالاشعار