شریعت اهلی بولر بو صريح فتوانی #کاظمیه_حسین_رحمتی

شهادت حضرت موسی بن جعفر (عليه السلام)
.
#زبدةالاشعار
.
: @nohe_torki
.
مرحوم حاج میرزا #حسین_رحمتی
.
شریعت اهلی بولر بو صريح فتوانی
که درک ایدنده اجل بیرنفر مسلمانی
.
گرکدی دفن اولونا عزّ و احترامیله
خدای لازم ایدوب احترام موتانی
.
خصوص غربت آرا بیر غریب جان ویرسه
ملائک آغلار اونا ترک ایدنده دنیانی
.
رسول اکرم اؤزی بیر گلیدی بغداده
گوریدی کاش او دم حرمت غریبانی
.
او گونکه محبس اولوب ابن جعفره مسکن
دیردی خالق اوزوم ایستورم بو زندانی
.
بولنمورم که نجه بحر ظلمه غرق اولدی
نجه كماله يتوب اهل کينه طغیانی
.
گوتوردی اللرینی درگه خدایه دیوب
که ای خلاص ایلین فرث و دمدن البانی
.
نه قدر تاب ایلیوم جور و ظلم هارونه
قوتار بو غمدن اوزین بو غريب دورانی
.
خدای عالم اونون دعوتين اجابت ایدوب
وليک زهر ایلیوب خون جگر او نالانی
.
گوزی قالوب قاپودا حسرتیله جان ویردی
گوروم خراب اولا بو روزگار دورانی
.
رشیده یتدی خبر اُول غریب رحلت ایدوب
اجازه ویرسن ایداخ دفن جسم مولانی
.
دیوللر اوچ گون او گل جسمی قالدی زنداندا
بوغم کباب ایلدی جنّت ایچره زهرانی
.
او ساعت اولدی که امر ایتدی بی حیا هارون
مزاره تاپشورالار او غریب مولانی
.
گلوبدی حمل ایلیه قبره دوت نفر حمّال
تاپوبدولار چوخ آغور نور چشم طاهانی
.
تعجب ایلدیلر بو غریب چوخ مدّت
چکوبدی محبس آرا، هر غم و بلایانی
.
ندور سبب که بئله بو بدنده ثقلت وار
چتیندی بیزلره حمل ایلماخ بو اعضانی
.
عباسینی او شهون جسمدن ایدنده کنار
نه گوردیلر که نجه کشف ایدوم بومعنانی
.
ایاقينه وورولوب کُنده بوینینا زنجیر
بولوبدولر که بودور ثقل جسم عنوانی
.
قویوبلا گل بدنی بیر حقیر تابوته
خیاله سالماديلار گیر و دار عقبانی
.
گتوردولر او شهون جسمینی حقارتله
قضا مواجه ایدوب ناگهان سلیمانی
.
گوروبدی بیر کسی یوخ آغليا او مظلومه
او دم حرملرینه بولدوروب قضایانی
.
دیوب که ناله ایدون بو غریب زندانه
یانوندا یوخدی بونون اهل بیت و اقرانی
.
خلاصه ایتدی کفن جسم پاک موسایه
او پربها كفنه یازموشيدی قرانی
.
بو یرده عرض ايديرم ای شهید زهر ستم
حسینه اولدی کفن یاره دن آخان قانی
.
سنون وجودیوه که دگمموشدی سمّ خيول
ولی حسینه روا گوردولربو ایذانی
.
او بی حیا سپهه ابن سعد امر ایتدی
دولاندوروبلا او گل جسمده ستورانی
.
توقّف ایله گلن (رحمتی) قلم یاندی
خجالت ایتدی گوزون یاشی بحر عمّانی
.
#کاظمیه_شهادت
#شریعت_اهلی_بولر_بو_صريح_فتوانی
#ترکی
.
#زبدةالاشعار
.
: @nohe_torki