شهود عالمینه گَلدی سرّ کن فیکون #17ربیع_سعدی_زمان

میلاد حضرت خاتم الانبیا ( صلی الله علیه واله و سلم )
.
.
#زبدةالاشعار
.
: @nohe_torki
.
مرحوم حسینی سعدی زمان
.
شهود عالمینه گَلدی سرّ کن فیکون
اولاندا حامله بو نوره آمنه خاتون
.
قدم بو عالمه چون قویدی صادر اوّل
تمام ظلمت اضدادی پوزدی صبح ازل
.
بویاندا طاق انوشیروان شکست اولدی
اویاندا لات و مناتین نظامی تاپدی خلل
.
ایدوب بویاندا منادی ندای جاءَالحق
اویاندا باطله یوز ویردی انقطاع اَمَل
.
گَلوب زیارتینه ساکنان نُه افلاک
یر اوستین عرشه قیلوب رشک آیت مُنزل
.
عجینیدی هله آدم ابوالبشر لیکن
گزردی مُلک نبوّتده احمد مرسل
.
ملائک ایتدی بونون خاک بوسینی نیّت
تعبّداً‌ ایلین دمده اُسجُدویه عمل
.
بونا مبشّریدی یکسر انبیای سَلَف
که بیر گلن وار اودور پیشوای کلّ ملل
.
ولیک آخِره قالماقدا عمده حکمت وار
ایدر جلالت شاهی طلایه دار اکمل
.
اولار چراغ اگر فرض اولا بو مشعلدور
چراغ محو اولی گَلسه اگر ازل مشعل
.
اودور طلوع ایدنده جمالینون نوری
گوروندی گون عَلَنی گوئیا شب اَلیَل
.
بو نور بیرده ایدوب کربلا چولینده طلوع
ووراندا سنگ جبین حسینه اهل جدل
.
بویاندی قانه جمال الله، آخدی ثارالله
او قانی سیلماقا پیراهنین بولوب افضل
.
گوروندی گون کیمی تا قلب عالمین قلبی
قویوب کمانه بیر اوخ اوندا بیر شل اولموش اَل
.
دگنده قلبینه اوچ شعبه تیر زهرآلود
آناسی قولّارین آچدی دیدی حسینیم گل
.
حسینی همّتی عالی اولان علو تاپار
همیشه پست اولار عالمده فطرتی ازل
.
#17ربیع_سعدی_زمان #پیامبراسلام
#شهود_عالمینه_گلدی_سر_کن_فیکون
#ترکی
#بهار_بی_خزان ص 78
.
.
#زبدةالاشعار
.
: @nohe_torki