شکر اللها عشقیم منه یول گورسدن اولدی #عباسیه_مهدی_فعال

ولادت ذیسعادت قمر منیر بنی هاشم (علیه السلام)
.
.
.
#مهدی_فعال
.
.
شکر اللها عشقیم منه یول گورسدن اولدی
آل اللهه دیوانه لیغیم فطرتا اولدی
.
شیطان دئدی گل عاقل اول الله دیدی مجنون
شکر اللها آخرده ده الله دین اولدی
.
زهرانون ائوینده ئوزینی ایتدی خلاصه
مجموعه ی زیبایی حق پنج تن اولدی
.
پیغمبر ئوپن لعل لبین شوقینه یارب
چیرپیندی ز بس قلبیم عقیق یمن اولدی
.
سسلندی آنام بیر گون：اوغول بختون آغ اولسون
الله دا إشیتدی بالاسی سینه زن اولدی
.
جسمیم گر او سلمان بؤیودن تپراقین اولسا
روحیمده اویس قرنه هموطن اولدی
.
قلبیمده قوروب خیمه حسین آدینی یازدیم
آچدیم قاپوسین روضه دی شاید گلن اولدی
.
بیر اولدی رسول اللهیلن بوردا سلیقه م
چون سودیگیم عالمده پیمبر سون اولدی
.
اما بو حسین عشقی او وادی دی که اوندا
عباس فقط دهریده جولان ویرن اولدی
.
شأنینده یل أم بنینون بو کفایت：
قارداش دین عباسه حسین و حسن اولدی
.
.
خوش سوزدی که العاقل یکفیه الاشاره
عباس اولان یرده داخی من نه چکاره
.
.
وصف ایلمه جود و کرمی حاسده؛ بیلمز
قرآن اوخوما قلبی قرا ملحده؛ بیلمز
.
چوخ سؤیلمه معشوقیدن آخر خبر اولمور
عاشق گوزینون یاشینی بی فایده‌ بیلمز
.
بو عشق مقاماتینی هر یرده دانیشما
عباسی گئدیب وصف ایلمه زاهده بیلمز
.
ارباب اونا تل اوسته بنفسی بویوروبدی
علامه ی عالم بو سوزی درک ایده بیلمز
.
او یوللاری کی قول قانادیلان اوچوب عباس
سلمان اولاری هئچ یوخوسیندا گئده بیلمز
.
ازبس او جوان ارث آپاروب شیر خدادن
سرعتله دگه ضربه سی گر مارده بیلمز
.
.
قوللار نجه قوللار که هامی خلقته لنگر
گوزلر نجه گوزلر اولارین عاشقی حیدر
.
.
دیوانه دن الله یری وار جان آلا گوزلر
مرواریدی گوزلر ایری گوزلر آلا گوزلر
.
بیزدن ده ایکی گوز نه اولار اللها خاطر
تا خاک ره حضرت جانان اولا گوزلر
.
یثربده یازوللار که او شه چیخمامیش ائودن
دیدار نگاره دوزولردی یولا گوزلر
.
عاشور بلاده چوخونون جانینی آلدی
هاردا گورونوبدو بیله بیر قان سالا گوزلر
.
بیر لحظه عتاب ایلدی میدان آراسیندا
قیتردی آغیر لشکری بیردن دالا گوزلر
.
ای گوزلری آرامش اولان شیر خدایه
گل دعوت ایله بیزلری ده کرببلایه
.
.
#عباسیه_میلادیه
#عباسیه_مدح
#شکر_اللها_عشقیم_منه_یول_گورسدن_اولدی
#ترکی
.
.