دشمنین اندیشه لری
سخنی با شعرا و مادحین گرامی
..
..
..
..
معروف اهری
..
..
..
..
شیر دشمن دولانور بیشه لری واویلا
اوج ائدور فتنه نین اندیشه لری واویلا
هاردادی بو عملون ریشه لری واویلا
..
..
..
..
گشت دولان مجلس اغیاریله اخیاره قاریش
بزم احبابی دولان کوچه و بازاره قاریش
ثبت ائله وجه تشابه لری گز چاره قاریش
گور ندن باب اولونوب فتنه گری واویلا
..
..
..
..
آفت ریب و ریا گلشن ایمانه دولور
دین و مذهب بوداقی ورطۀ غفلتده سولور
بعضی بیهوده عمل لر دولانوب سنت اولور
آزدی احساس ائلین بو خطری واویلا
..
..
..
..
دشمنون کشتی سی والله بیزیده غرق ائلیور
هر کس ئوز مجلسینه تازه روش خلق ائلیور
هیئت و بزم طرب صد درجه فرق ائلیور
قاتمیون بیربیرینه نیک و شری واویلا
..
..
..
..
اکثراً نوحه دینلر ادبون عاملیدی
یوخدور اغراق حقیقی بشرون کاملیدی
بوردا روی سخنیم قشر کم غافلیدی
که ائدوللر علناً حیله گری واویلا
..
..
..
..
ما سبق نوحه دینلرده متانت واریدی
عترت فاطمه دن قصد صیانت واریدی
آچیلا باب کرم الده ضمانت واریدی
ایندی بعضی لر ائدور خیره سری واویلا
..
..
..
..
سوزونن آغلادا بیلمور ئوزونی پرپر ائدور
اوتورور گاهی دوروب ساق صولونا لنگر ائدور
بئله بیر حالیله ذکر حرم حیدر الدور
رسم اولوبدور پرش و شیوه گری واویلا
..
..
..
..
باشلیور چه چهه جنّتده کی قصرین دالیجا
آغلادانمور دولانور قصه و نثرین دالیجا
سسلنور گل آقا گل صاحب عصرین دالیجا
دعوت بی ثمرین یوخ اثری واویلا
..
..
..
..
گر ظهور ائتسه آقا قلبینی شاید غم آلا
مهدی فاطمه نون یا ئورگین ماتم آلا
وای او گوندن آقامیز اللرینه پرچم آلا
فاش اولا فلسفۀ نوحه گری واویلا
..
..
..
..
دیه شاید سنه فکرون نیه دوز یولدان آزیب
دئدیگون مطلبی آیا دئ گوروم هاردا یازیب
هیچ بیلورسن کیم ئولوب کیملر اونا قبر قازیب؟
ائدوسن عمروی زایل سپری واویلا
..
..
..
..
نیه اکراهیله سن مجلس ماتم قوروسان
نیه مجلسده غروریله ایاقه دوروسان
نچه ایلدور که منیم قلبیمه سن داغ ووروسان
اوجالور سینه ده محنت شرری واویلا
..
..
..
..
گوزلیم نظمه چالیش نثریله چوخ خو ائلمه
هر یولا وورما ئوزون اللروى رو ائلمه
ئوزوه چوخ آییق اول ملتی بدگو ائلمه
ور نه قسمتدی سنه دربدری واویلا
..
..
..
..
نیه هذیان دانشوب ملتی گمراه ائدوسن
نیه ئوز ارزشوی قدر پرِ کاه ائدوسن
سوز اوخی آغلیان آغلار ندن اکراه ائدوسن
گورموسن گیزلین اولان خنده لری؟ واویلا
..
..
..
..
نثر اگر اولسا موثق اوخوماق جایز اولار
سندین ذکر ائله سن محفل لایق قورولار
اگلشن مستمعین گوزلری اشکیله دولار
گتورر مجلسه هر رهگذری واویلا
..
..
..
..
مجلس شور و عزا عین دیانتدی بیزه
دولانوب الدن اله ایندی امانتدی بیزه
کیم بو درگاهه ریا قاتسا خیانتدی بیزه
نیلیور اهل وفا سیم زری واویلا
..
..
..
..
نوحه خوانلار شعرا خط مقدمده بیزوخ
خط نگهدار ولا سایۀ پرچمده بیروخ
گجه گوندوز چالیشان ماه محرمده بیزوخ
بیز گرک خلق ائداخ آیدین سحری واویلا
..
..
..
..
بیز بو عشقون داشینی سینیه هردم ووروروخ
بیز حسین خاطرینه بزم محبت فوروروخ
دل احبابی آلوب دشمنی بیزلر یوروروخ
وئرمروخ عالمه بیر چشم تری واویلا
..
..
..
..
بیز مگر وهلۀ اولده مسلمان دگولوخ؟
بیز مگر شیعۀ برجسته سلطان دگولوخ؟
بیز مگر معتقد درگه احسان دگولوخ؟
پس ندور شائبه و بدنظری واویلا
..
..
..
..
اولمیا غافل اولوب بستر غفلتده یاتاق
راه حقدن دولانوب ورطۀ باطلده باتاق
وای او گوندن که حسین عشقینی دیناره ساتاق
آلّادا مکریله شیطان بشری واویلا
..
..
..
..
سن که استاد اولوبسان آدوون قیمتی وار
سسوون سوزلریوون ایشلروون صحبتی وار
چیگنوون هر یئره گئتسون بیلوسن خلعتی وار
بو سوزه معتقد اول اولما جرى واویلا
..
..
..
..
سنه استاد دئمیشدور که غروریله دولان؟
یا دئمیشدور که آغیر مبلغون اوستونده دایان؟
جان من جان حسین خواب منیّتدن اویان
اول حسین درگهینون دوز نوکری واویلا
..
..
..
..
بئله گئتمز بو زمان هر طرفه گردشی وار
شهرت اوستونده ایاق سست گزور لغزشی وار
من کیچیک شاعرم اما سوزومون ارزشی وار
عاقل اول معتبر ائت بو اثری واویلا
..
..
..
..
#ورود_محرم #معروف_اهری #حسینیه_معروف_اهری #حسینیه #ترکی #زبدةالاشعار
نظر دهید