عرض سلام و ادب محضر حضرت امیرالمومنین علیه السلام
گریز به ضربت خوردن
.
#زبدةالاشعار
.
: @nohe_torki
.
#سبک_زینبم_جان_اوستیم … 4 سبک
.
محمد علی مصیبی تبریزی
.
شیعه دن ای ساقی کوثر سلام اولسون سنه
یا امیرالمومنین حیدر سلام اولسون سنه
.
.
ای کلام الله ِ ناطق معنی قرآن عشق
وی مسیحایه وئرن دم هردمی طوفان عشق
ای یوزی مرآت جانان شمع بدرافشان عشق
هل اتیٰ کشتی سینه لنگر سلام اولسون سنه
.
.
مطلعُ الاسماءِ حُسنیٰ ای حبیب لم یزل
وی ولیّ الله اعظم قل هُو اللّهه مثل
طلعتون دور آفتاب عالم آرادن گوزل
وامدار دین پیغمبر سلام اولسون سنه
.
.
ثانی ثقلین ، شٱن آیۀ تطهیرسن
مشعل راه ولایت گوزلره تنویرسن
وجه ِ وجه الله سن وجه اللهه تصویرسن
طلعتون ماه ملک منظر سلام اولسون سنه
.
.
مرتضانین شیعه سی احساسیلن بسلر یادین
بذل ائدر راه ولای مرتضاده هر زادین
آدینی یا سسله مز یا عشقیلن سسلر آدین
شیعۀ ممتازه تاج سر سلام اولسون سنه
.
.
مرتضا دور گلشن احساس و اقبالین گولی
صحن عشق و معنویتده صلابت سویگولی
خیبرین بابین آچان والله آچار هر مشکلی
واردی تا مشکل گشا اللر سلام اولسون سنه
.
.
یرمی بش ایل ایلیوبلر حیدری خلوتنشین
دوندروبدی چرخ گردون ئوز مدار و گردیشین
دشمن سوگندخورده عاقبت گوردی ایشین
قانیلن باشی اولان زیور سلام اولسون سنه
.
.
.
بیلمورم عالم نه دن اوُل گونده ویران اولمادی
وار نه گلشن وار نه گول خار جفادن صولمادی
خون جوشان ولادن بطن عالم دولمادی
فُزتُ رَبّ الکعبیه مظهر سلام اولسون سنه
.
.
پارچالاندی باشی تا توپراقه دوشدی بوتراب
رشکیدن گویلر دییوب یَا لَیتنَا کُنّا تُراب
فرقی نین قانی ائدوبدور مرتضی زلفین خضاب
قانه غلطان شاه نام آور سلام اولسون سنه
.
.
سجده گاهینده دوشوب تا شاه دین خاک اوستونه
ساکنان عرش چکدی قاره افلاک اوستونه
جوشدی قان باش یاره سیندن شاه لولاک اوستونه
پارچالانمیش باش صولان پیکرسلام اولسون سنه
.
.
شیعه نین یوخدورغمی چون بیربئله مولاسی وار
مرتضی تک باشی اوسته تاج کرّمناسی وار
ناامید ائتمز گدانی چون کرم دریاسی وار
ای کرامت معدنی یکسر سلام اولسون سنه
.
.
سسلرم تا وار نفس هر روز و شب من یاعلی
بیر «مصیب» آدلیَم عشقیم مُبرهن یاعلی
سائلم درگاهیوه قووما منی سن یاعلی
پاک آدون اشعاریمه زیور سلام اولسون سنه
.
.
#حیدریه_مدح
#حیدریه_شهادت
#شیعه_دن_ای_ساقی_کوثر_سلام_اولسون_سنه
#ترکی
.
#زبدةالاشعار
.
: @nohe_torki
متن های پیشنهادی برای شما
یاحسین غم گینه تسخیر ایلدی جانیمیزی #حسینیه_موسی_آقایی
عرض ادب به محضر حضرت اباعبدالله الحسین علیه السلام . #زبدةالاشعار . : @nohe_torki . موسی آقایی اردبیلی . یاحسین غم گینه تسخیر ایلدی جانیمیزی کربلا محنتی جوشه گتیریب قانیمیزی . گیموشوک جامه ی ماتم سنه یاسبیشتر
ساقیاگلدیم امیدیله گینه میخانه وه #رضویه_صادقی_مراغه_ای
مدح حضرت امام رضا علیه السلام . زبدة الاشعار : @nohe_torki . صادقی مراغه ای . ساقیاگلدیم امیدیله گینه میخانه وه ال منیم دامن سنون گوزتیکموشم پیمانه وه . سن کرم دریاسی سن منده قاپونداسائلم قیل نظرای شاه عالم سائلبیشتر
غسل ائدوب فاطمه نین جسمینی تا شاه جهان #فاطمیه_رحیم_سلمانزاده
حالات حضرت زهرا (س) . #زبدةالاشعار . : @nohe_torki . رحیم سلمانزاده (سالک) . غسل ائدوب فاطمه نین جسمینی تا شاه جهان بوکدی جسمین کفنه پیکرینی ائتدی نهان کفنین باغلادی بندین ولی دلدن نگران صورا سسلندی فغانیله حسینبیشتر
شکر اولا خالق مهربانه #مهدیه_عدلی_تبریزی
میلادیه حضرت امام زمان عَجّلََ اللهُ تعالی فَرَجَهُ الشَّریف . . حاج اصغر فرشچی (عدلی تبریزی) . . #سبک_ای_قلم… #سبک_جامه_عشقیوی… #سبک_کاروان_رفته… . . شکر اولا خالق مهربانه حجتین یوللادی بو جهانه نرگسیبیشتر
ایلین بیمه ولا نهضتین عباس آقادی #عباسیه_مصیبی_تبریزی
عباس آقادی … . . #زبدةالاشعار . : @nohe_torki . . مصیبی تبریزی . ایلین بیمه ولا نهضتین عباس آقادی گسترن فرشه علی غیرتین عباس آقادی ال سیز اثبات ائلیَن بیعتین عباس آقادی اوجادان عرشه حسین رأیتین عباسبیشتر
آنا بیگانه لر قویماز منی اوز خانمانیمده #خروج_مدینه_صافی_تبریزی
خروج از مدینه زبانحال حضرت سیدالشهداء(ع) کنار مزار مادر . #زبدةالاشعار . : @nohe_torki . مرحوم صافی تبریزی . آنا بیگانه لر قویماز منی اوز خانمانیمده مگر بیر پر سنق بلبل قالار بوش گلستانیمده . . گلوبدور شامدنبیشتر
نظر دهید