صبا آپار خبر اوغلوم جواده حالیمدن #رضویه_خوندل_تبریزی

شهادت امام رضا (ع)
..
..
..
مرحوم خوندل تبریزی
..
..
..
صبا آپار خبر اوغلوم جواده حالیمدن
اگرچه آگه اولوبدی اوزی ملالیمدن
..
جواد وارث علم امامتیمدی منیم
آلوب بو موهبتی حیّ لایزالیمدن
..
گوزوم یولوندا یوزوم یرده گوزلورم یولونی
محال فکر وصالی چخا خیالیمدن
..
اوغول اوغول دیرم هر نقدر وار نفسیم
که تا جواب اولا گلدیم بابا سوالیمدن
..
ویرویله زهر دونوب قانه لاله تک باغریم
آخار عذاریمه دل قانی اشک آلیمدن
..
نه تک بو شعلۀ زهریله اودلانوب اوره گیم
یانار تمام وجودیم بو اشتعالیمدن
..
قضای حقّه رضایم یوخومدی جای گله
خوشم بو شدّت حالیله امتثالیمدن
..
یتوبدی آخره عمروم دیار غربتده
عیاندی سوز دلیم آتشین مقالیمدن
..
منی وطندن آیردی جفائیله مأمون
یتیشدی قصدینه آخر بو انتقالیمدن
..
اقامت ایتماقا مجبور ایدوب خراساندا
الیم اوزولدی او جبریله اهل و آلیمدن
..
منی بو شهره ولیعهد ایدنده اوّلده
ندور خیالی من آگاهیدیم مآلیمدن
..
نه اختیاریله، اجباریله ایدوب مسموم
او جبری سالدی منی آیری ماه و سالیمدن
..
ویروبدی زهر جفا اود دوتوب یانار جگریم
شکایتیم وار اوغول خصم بد خصالیمدن
..
بو صون نفسده گل آل باشیمی دیزون اوسته
غبار غربتی پاک ایت سولان جمالیمدن
..
بو خلوت ایو منه یوخ بیر نفر اولا همدم
هانی ائلیم یانا غربتده اعتزالیمدن
..
نه تک فراقه منی مبتلا ایدوب دشمن
علاوه اهلیمی محروم ایدوب وصالیمدن
..
چراغ عمرومی خاموش ایدن مگر بولمور
دوشر هلاکته آخر منیم زوالیمدن
..
نه بیر سیزیلتما قلبیم یانار اوزوم یانارام
یانار بالامدا گلوب گورسه ابتهالیمدن
..
غریب شهرده ئوللم مزار اولار قبریم
دوشور تحیّره اهل جهان جلالیمدن
..
محبّت اهلى اولانلار گلر زیارتیمه
منی زیارت ایدن کام آلار نوالیمدن
..
اوز اوغلون امر ایلیوب یازدی خامۀ «خوندل»
دیر گذشت ایله عفو ایت منیم نکالیمدن
..
بو روسیاهی آقا قوما آستانوندن
عیاندی سوز دلیم شرم و انفعالیمدن
..
#رضویه #خوندل_تبریزی #زبدةالاشعار #رضویه_شهادت #ترکی