صبحدن بو گون بلبل چمن ایلمز داخی میل نسترن #پیامبراسلام_مضطر_اردبیلی

در شهادت حضرت خاتم الانبیا (ص)
.
زبدة الاشعار
.
?: @nohe_torki
.
مرحوم مضطر اردبیلی
.
صبحدن بو گون بلبل چمن
ایلمز داخی میل نسترن
میل نسترن فکر یاسمن
نغمه سی اولوب ایندی بیر سخن
وا محمّدا وا مصیبتا
.
.
قونمیور داخی گل بوداغنه
قویمیور یوزین سرو ایاقینه
مسلمینون آغلار تفاقنه
بو سوزی ددیر گل قولاقنه
وا محمّدا وا مصیبتا
.
.
صحن گلشن و گلستان باخ
بلبل هزار داستانه باخ
یوز قویوبدی بیر آستانه باخ
غملی نغمه دلستانه باخ
وا محمّدا وا مصیبتا
.
.
مرتضی علی سرور زمن
صول گوزی حسین ساق گوزی حسن
بیرده فاطمه بلبل چمن
سس سسه ویروب جمله با محن
وا محمّدا وا مصیبتا
.
.
نالیه گلوب روح انبیا
روح اوصیا روح اولیا
غرق اولوب غمه کلّ ماسوا
اوج ایدر سمایه همین صدا
وا محمّدا وا مصیبتا
.
.
غسلنه وصی سی کفیل دور
خدمت ایلین جبرئیل دور
غسلینون سوئی سلسبیل دور
چوخدی صرف اولور سو سبیلدور
وا محمّدا وا مصیبتا
.
.
کیمدی سن کیمین بیر ئولن حسین
ای حنوط سیز بی کفن حسین
اوچ گجه گونوز چولده سن حسین
قالموسان یارالی بدن حسین
وا محمّدا وا مصیبتا
.
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
.
#پیامبراسلام_شهادت
#صبحدن_بو_گون_بلبل_چمن
#مضطر_اردبیلی
#ترکی
.
#زبدةالاشعار
.
?: @nohe_torki