طلیعه ظهور
.
زبدة الاشعار
.
: @nohe_torki
.
رسول بابایی (شاهد زنجانی)
.
صبر ایله گولوم غم یمه جانان گله جکدی
بو قالب بی روحه وئرن جان گله جکدی
.
ایللردی گونوم قاره دی هجرینده نگارین
گون باتدی ولی اول مه تابان گله جکدی
.
گئتدی گوزومون نوری دیزیم طاقتی یوخدی
جانیم ائده رم من اونا قربان گله جکدی
.
افسوس اولا چوخ قرآنی ائولرده باسوب توز
اول حجت حق صاحب قرآن گله جکدی
.
پامال ائلمه دهریده خون شهدانی
اول منتقم خون شهیدان گله جکدی
.
مولای زمن روشن ائدر کل جهانی
زهرا بالاسی یوسف دوران گله جکدی
.
ظالملری تنبیه ائده جاق حجت قائم
مظلومه اولان یارو نگهبان گله جکدی
.
بیر باش چکه جاق دشت بقیعه گل زهرا
زهرایه گوره دیده سی گریان گله جکدی
.
آغلار سوسوز اللرده ئولن تشنه امامه
دیلدن یارالی سینه سی سوزان گله جکدی
.
پرچم ووراجاق کعبه نین اوسته او دلاور
باشدان ایاقا هیکل ایمان گله جکدی
.
من شاهدم هرجمعه یولون گوزلیورعاشق
سسلر آدینی ملت ایران ، گله جکدی
.
#مهدیه
#صبر_ایله_گولوم_غم_یمه_جانان_گله_جکدی
#رسول_بابایی
#ترکی
.
#زبدةالاشعار
.
: @nohe_torki
نظر دهید