صحرای جنایتده که قان موج وئریدی

شمّه ای در مکالمات و مشاهدات حضرت زینب در #قتلگاه اباعبدالله علیه السلام
.
زبدة الاشعار
.
: @nohe_torki
.
محمد وهابزاده(عیّار) اردبیلی
.
صحرای جنایتده که قان موج وئریدی
فکر ایلمه لرزان گورونوب سنگرِ زینب
.
آلتی جهتی دوتموشیدی وحشت و افغان
دشمنلری حیران ائلیوب باورِ زینب
.
گودالیده آتدی الینی خنجر شمره
بیر صحنه ده دوغراندی همان شهپرِ زینب
.
مجروح الیلن ائلدی خنجری رسوا
شمرین گوزونه گلدی گمان حیدرِ زینب
.
مبهوتیدی عرش اهلی اودَم بیر سَس ائشیتدی
قربان او کسیلمیش اَلوه مادرِ زینب
.
گودالیده بیر جمله ائدوب زینبی آگه
گئت خیمیه اطفال اولوب مضطرِ زینب
.
بیر قانلی بیابانه باخوب بیرده حسینه
نه حاله قالوب بیلدی فقط داورِ زینب
.
بیر سمته باخوب گوردی ملائک لری گریان
بیر سمتیده آماده دی غارتگرِ زینب
.
نیروی الهی یغیلوب قلبینه ناگه
فریاد چکوب جوشه گلوب جوهرِ زینب
.
عرض ایلدی امداد ائله ای خالق سبحان
قرآنی یخوب مقتله ویرانگرِ زینب
.
سجاده آچوب سینهء سیناده کلیمون
طوفانه دوشوب زورقِ بی لنگرِ زینب
.
رَبّی دئدی اَرنی دئمگه شرمی گلوردی
دیداره سایور لحظه لری دلبرِ زینب
.
اُول محفل مستانه نی ترک ایلدی مدهوش
بیگانه وروب سیندی او دَم ساغرِ زینب
.
چون گوردی گوزل لیک لری سرمست دایاندی
احسنت دئدی زینبه جان پرورِ زینب
.
(عیّار) بو آتشده کول اُول ایلمه پروا
تا ثبت اولا دفترده آدون نوکرِ زینب
.
.
#صحرای_جنایتده_که_قان_موج_وئریدی
#محمد_وهابزاده
#ترکی
.
#زبدةالاشعار
.
: @nohe_torki