صفا بخش کلامیدی فصاحت آل هاشمده #شهیدخدمت_دلپاک

در سوگ یار مردم
(شهید آیت الله دکتر آل هاشم)
..
..
..
رضا غلامپور(دلپاک)
..
..
..
صفا بخش کلامیدی فصاحت آل هاشمده
عجب فضل سعیدیدی سعادت آل هاشمده
..
یاشیل جنگل آلیب گویدن کی باسین جان تک آغوشه
گوروبدور لاله تک وار چون طراوت آل هاشمده
..
گرکده بیر بئله محبوب اولیدی قلب ایراندا
بو نوعی کی عیانیدی صداقت آل هاشمده
..
مصلادن سوروشدوم بو صفانی هاردان اخذ ائتدون
بویوردی چوخ صفالیدی عبادت آل هاشمده
..
دئدیم ای دل منه سرّ ولانی خط به خط فاش ائت
هویدادور دئدی سرّ ولایت آل هاشمده
..
دیئنده منده قاضی تک شهید اولام دئدیم یارب
نجه گور دیلنیر جان دیانت آل هاشمده
..
اگر چه حاجتی آلدی جوازین استجابتدن
ولی ای کاش اولموردی بو حاجت آل هاشمده
..
ملیحانه آدون یاز دفتره ای کلک نالانیم
واریدی بولموسن آیا ملاحت آل هاشمده
..
دانشدوقجا ائله محو جمالیدیم کی بیر بولدوم
فروغ عصمت حقدن وار آیت آل هاشمده
..
اولاندا غرق بولدوم کشتی عمری منِ غافل
نجه موّاجیمیش شوق شهادت آل هاشمده
..
کسل ائتجاق منی اخبار محنت سویلدیم نالان
نظر قیل اولماسین یارب کسالت آل هاشمده
..
#آل_هاشم #امیرعبدالهیان #رئیسی #رحمتی #شهید #شهید_جمهور #شهید_خدمت #ترکی #دلپاک #زبدةالاشعار