طول اولدی نگار آیریلقی حوصله چکمیر #مهدیه_هدایت_تبریزی

یا مهدی
.
زبدة الاشعار
.
: @nohe_torki
.
هدایت تبریزی
.
طول اولدی نگار آیریلقی حوصله چکمیر
حق ، مانعی یولدان نیه بس او گله ، چکمیر
.
گوز یولدا گونوم گئچدی ، یتشدی باشا عمروم
عشقی چکجاق باشیمی داره هله چکمیر
.
دوران دولانیب ، دونگه دونوب ، وضع عوض اولموش
گلزارده ناز ایلیه گل بلبله چکمیر
.
بلبل ده ایدیب مشغله سین چهچهه وورماق
گلشنده گزیب سیر ایلیب باش گوله چکمیر
.
بیر مرحله وار عشقده ، عرفاندا ، فنادور
هر عاشق ناقابلی اول مرحله چکمیر
.
عالم تله دن الحذر ایلیر ، منیم امّا
بختیم دولانیب ، کامنه حتّی تله چکمیر
.
نفسیم دیوری هلهله چک عشقی ایاقلا
عقلیم باش اگیر عشقه ولی هلهله چکمیر
.
ایندی ، ادب و علم و هنر ، پول پَله اولموش
بیراهیه عشقین قدمین پول پَله چکمیر
.
مه صورتنی یار آچالی زلزله ایلیر
نیلیم ، گوزلین هیبتنی زلزله چکمیر
.
گردابه دوشوبدور یم حُسنونده (هدایت)
غرقم ، منی بیر کیمسه ولی ساحله چکمیر
.
.
#پندیات_مهدیه
#طول_اولدی_نگار_آیریلقی_حوصله_چکمیر
#هدایت_تبریزی
#ترکی
.
#زبدةالاشعار
.
: @nohe_torki