ظلمیلن سولدی موسی ابن جعفر #کاظمیه_آذرین_خلخال

شهادت حضرت امام کاظم (ع)
..
..
#سبک_ای_قلم… #سبک_جامه_عشقیوی… #سبک_کاروان_رفته…
..
..
ودود آذرین خلخال
..
..
..
..
ظلمیلن سولدی موسی ابن جعفر
نالیه گلدی زهرا و حیدر
قاره گیدی رضا دوتدی ماتم
باش آچوب آغلیوبدورپیمبر
..
..
..
..
پور جعفردی بو زار و خسته
کنج زنداندا قلبی شکسته
شمع تک ابتلادن اریردی
گل دییردی رضا باشیم اوسته
..
..
..
..
یوز دوتوب درگه کبریایه
غرق اولوب ورد و ذکر و دعایه
ایستورآلاهدان عمرین قوتارسین
زهر اثر ایلیوب حق فدایه
..
..
..
..
ای ایدن یئرگویی خلقت الله
هرعزیزه ویرن عزّت الله
جورهارون منی جانه گتدی
جانیمی آل ایله راحت الله
..
..
..
..
اشکیمین گوهری اولدی رایج
قان اولوبدی اؤرک یوخ نتایج
بیرنفر یوخ دیین هانسی جرمه
جان ویرورغملی باب الحوائج
..
..
..
..
باد ظلمه اؤرک باغی سولدی
قلبیمه محنت و غصّه دولدی
تازیانه ویروب ابن شاهک
فاطمه تک قولوم نیلی اولدی
..
..
..
..
سن وطندن اوزاق دوشدون ای جان
ایتدی مسموم سنی قوم عدوان
قالمادی پیکرون یرده اوچ گون
جسمووی قبره قویدی سلیمان
..
..
..
..
کربلاده ولی اولدی طوفان
قالدی نعشون اراده حسین جان
بیرحالا سالدیلار جسم پاکون
گوردی زینب اولوب چوخ پریشان
..
..
..
..
سسلدی ای لب عطشان حسینیم
ظلمیله قانه غلطان حسینیم
نیلمیشدون مگر کوفیانه
جیسمون ایلوبله شان شان حسینیم
..
..
..
..
هانسی غمدن ایدوم ناله قارداش
قالموشام بیله احواله قارداش
باوریم یوخ بو پیکرسنون دی
کیم سنی سالدی بو حاله قارداش
..
..
..
..
(آذرین) عاصی و بی نوادی
بیرعمیر غم لره مبتلادی
یوخدی اوزگه ولی بیر طبیبی
دردینه شاه عطشان دوادی
..
..
..
..
#کاظمیه_شهادت #کاظمیه
#ظلمیلن_سولدی_موسی_بن_جعفر
#آذرین_خلخال
#ترکی
#زبدةالاشعار