عاریت آلمش اوزون فتح و ظفر زینبدن #زینبیه_هدایت_تبریزی

مدح حضرت زینب سلام الله علیها
.
#زبدةالاشعار
.
: @nohe_torki
.
هدایتی تبریزی
.
عاریت آلمش اوزون فتح و ظفر زینبدن
قالمش حیرت ده قضا ، مات قدر زینبدن
.
قدری مفتون ایلیوب وهم و عقول بشری
قدردانی ایلیور اهل نظر زینبدن
.
ذوالفقار لبینه غبطه ایدن تیغ علی
دانشاندا توکولن درّ و گهر زینبدن
.
گوهر معرفتی شعشعه آفاقه سالان
حجب عصمتده قالان قرص قمر زینبدن
.
مرتضا مکتبنین عارفه سی ، کامله سی
معرفت نورنی درک ایتدی پدر زینبدن
.
فاطمه سینه سنین شیری اونی ایلدی شیر
قالدی تاریخ ده ارزنده اثر زینبدن
.
ادب و معرفت و مهر و وفا و ایثار
شیر زن خلق ایلدی فاطمه فر زینبدن
.
اسوهء حجب و حیا ، عاشق عالیّه عیار
جان اسلامه اولوب دفع خطر زینبدن
.
صبرینه مات ایلین اسوهء صبر ایّوبی
مطر عشق یاغان ابر سیر زینبدن
.
خیر نسوان بالاسی خیر بشر ذرّیه سی
دین اسلامه چاتوب خیر کثر زینبدن
.
هئیبتی داغدان آغیر ، معرفتی عرش برین
باب حطّه ، آچلان رحمته در زینبدن
.
بو وقار و عظمت هانسی خانم دا گورونوب
تک خانم فاطمه دن صرف نظر زینبدن
.
یئری وار یئر گوی اگر زینبه احسن دیسه لر
فیض آلوب اهل ادب شام و سحر زینبدن
.
مرحبا شوکتنه ، عزّتنه ، سطوتنه
خرمن ظلمه دوشوب نارو شرر زینبدن
.
عصمت الله قزی دی عصمتین آئینه سی دی
اولمیوب فعل خطا لمح بصر زینبدن
.
باش اوجا ، طالع اوجا ، قامت اوجا ، همّت اوجا
آزدی یازسا ادبا هر نقدر زینبدن
.
سینهء فاطمه ده سیر الی الله چخان
عرش اسرار حقه اولدی گذر زینبدن
.
دست احسانی کیمی سفرهء احسانی آچخ
فیض احسان آلوب اصحاب فقر زینبدن
.
عشقی ناب ، عشق ده عالیّه عیار ، اهل ورع
شجر طیّبه ده اولدی شجر زینبدن
.
برگ زرّین شرف ثبت اولونوب دور آدینا
التجایه عرفا تاپدی وزر زینبدن
.
غیرت الله قزی ، قاننده اولان غیرت حق
خطر اخذ ایلدی اصحاب کفر زینبدن
.
ریشهء جوری قوروتدی بو سرافراز خانم
شجر خبثه دگوب تیز تبر زینبدن
.
زینبی زین العبادن خبر آل گور نه دیور
دل آچا مدحته تعریف ایلیر زینبدن
.
ایلدیریم مثل شاخوب خرمن طاغوت اوسته
شربت فتح و ظفر اولدو زَهر زینبدن
.
اسکتو کلمه سی قبض ایلدی انفاسی تمام
زنگ لر ده دایانوب نطقی کسر زینبدن
.
دشمنی خطبه لری خوار و گرفتار ایلدی
عالم عارف دی عدو چکدی نه لر زینبدن
.
یابن مرجانه فقط ابن زیاده بو دیدی
حاکم جور و جفا گوردو خسر زینبدن
.
خطبه سی ایلدی رسوا طلقا زاده لری
هندین اولادنه قصر الدو سقر زینبدن
.
شرف فخرالائمّه بونا زیبنده دی تک
مهر تابنده دی ، رحمت توکولر زینبدن
.
بو مسیحادی مگر زنده ایدیب امواتی
مرده اجساده چاتوب روح دگر زینبدن
.
مال و جانین ، بالالارین ایلدی دینه فدا
نفع گوردی ، گورونوب هر نه ضرر زینبدن
.
بدنی یاسمنی اولدی ولی اوخ دیمه دی
بار محنتله دوتا اولدی کمر زینبدن
.
یوردولار جسمنی ، جان اولمادی خسته ابدا
قویموب هئچ فرصتی کی گئتسین هدر زینبدن
.
.
#زینبیه_مدح
#عاریت_آلمیش_اوزون_فتح_و_ظفر_زینبدن
#هدایت_تبریزی
#ترکی
.
#زبدةالاشعار
.
: @nohe_torki