عاشقین زلف پریشانینی دست غم آچار #شب_عاشورا_حسنی_تبریزی

عاشق کیست ؟
گریز به شب عاشورا
.
.
✍️ #زبدةالاشعار ✍️
.
🆔: @nohe_torki
.
حاج حسین حسنی تبریزی
.
عاشقین زلف پریشانینی دست غم آچار
گوز یاشیلن توزونی پاک ائده ایلر نم آچار
.
.
عاشقین بیر اولی عالمده گجیله گونوزی
هرکیم عاشق اولا دنیاده چتین گولسون اوزی
عاشق اوز ماملکیندن بلی والله ال اوزی
یوزونه باب غمی دست قضا کم کم آچار
.
.
کیمدی بوعاشق دلباخته ؟ دلبند رسول
ائتدیله دعوت اونی کوفیه اشرار جهول
سو یولون باغلادیلارسویلدی فرزند رسول
سو یولون آچماقی مشگلدی آچا گر دم آچار
.
.
آچیلار باب بلا تا اله منظوری گلر
شوره بو واقعه دن چون سر پر شوری گلر
قو تارار گوندوزونی تا شب دیجور گلر
آیری عالم ائله عالمده شه عالم آچار
.
.
کیمدی بوشه تک اوزون بیله غمه توش ایلسون
بادۀ غم نقدر اولسا آلوب نوش ایلسون
شمع و قندیلی گجه عالمی خاموش ایلسون
گیده هر کیم گیده جان بوسوزه تاکه فم آچار
.
.
گیدر اغیار هامی بزم وفا خلوت اولار
قالان احبابه او شهدن نظر رأفت اولار
شاه دین صبحه کیمی زینبه هم صحبت اولار
زینبه رمزیله شرح محن اعظم آچار
.
.
باجی زینب بو گجه بیر گوزل اقدام ایلیون
حرم آهورینی قوخمیالار رام ایلیون
خوردا جاقیزلاریمی سعی ایدون آرام ایلیون
گرچه دشمن بولارا تئز اولی باب غم آچار
.
.
دینه زینب بالالار تشنه لوقا تاب ایلسون
قارداشیم صاغدی اوشاقلار بوگیجه خواب ایلسون
نقدر ایسته سه دشمن سویی نایاب ایلسون
سو یولون کوفه لیلر خیمیه من ئولسم آچار
.
.
بو حسین ایستر اوزون محو رخ یار ایلسون
گوزده اغیارلرین گوندوزونی تار ایلسون
اوزی یاتماز که بو یاتمش لاری بیدار یلسون
باب عشقی اولان عشق عالمینه محرم آچار
.
.
وصدل یاره یتیشه هجریدن از بس تله سر
گجه دن صبحه کیمی قلبی اونون تیترر اسر
نئچه قربان گتوروب عشق مناسینده کسر
دست اشراریله بیر یول که اولوب درهم آچار
.
.
آلار احبابین الیندن او شهین لشگر کین
سانه گلمز محنی محنتی نه یوزدی نه مین
آچار عباس او دم نَصرُ مِنَ الله علمین
تاگوره قارداشی باش اوسته دوروب پرچم آچار
.
.
آلار عباسین الیندن او شهین قوم شرار
غصه سیندن بیر اولار گوزده اونا لیل و نهار
اوره گی داغلی اولار عازم خلوتگه یار
باب خلوتگه یاری او شه اکرم آچار
.
.
عاشق البته اوزر هرنه دن آخر الینی
محکم اوزعشقینه پا بنده اولى باغلار بئلینی
سیلر اوچ شعبه لی اوخ قانیله زنگ دلینی
یارینی گورماقا بیر روزن دل اوُل دم آچار
.
.
.
«حسنی» قورخما کمینگاهیده صیادوندان
بیرده ال چکمه بو زنجانیده آزادوندان
سنه الهامیدی بو رمزلر اوستادوندان
بلی شاگرد «حسینی» سوزی باغلار هم آچار
.
.
#حسینیه_مدح #حسینیه_شهادت
#عاشقین_زلف_پریشانینی_دست_غم_آچار
#ترکی
.
✍️ #زبدةالاشعار ✍️
.
🆔: @nohe_torki