عاشق خیال عشقیله صبح و مسا گزر #حسینیه_انور_اردبیلی

کوچ از کربلا
.
✍️ #زبدةالاشعار ✍️
.
🆔: @nohe_torki
.
مرحوم انور اردبیلی
.
عاشق خیال عشقیله صبح و مسا گزر
غمگین اولان اولار غملن آشنا گزر
هر دردمند دردینه درمان تاپانماسا
واردور گورک نه علّتی بزم عزا گزر
.
.
علت بودورعقیده سینی محترم بولر
باب حسینی باب امید و کرم بولر
مطلب وئرندی سرور گردون خدم بولر
بزم عزاسینی اودی که جابه جا گزر
.
.
عصرون امامنون سوزینی دوتگیلن دلیل
فرمایش ایلیوب ئوزی اول حجّت جلیل
دردوز اولان زماندا اولون عمّه مه دخیل
هر کیم اونا دخیل اولا غمدن رها گزر
.
.
یاد ایلیک اؤ ساعتینی تاپدی قارداشین
عریان گوروب جنازه سینی گورمه دی باشین
گلدی دیله نوا ائلدی توکدی گوز یاشین
دور زینبون حسین نجه گور مبتلا گزر
.
.
پوزقوندی حالتیم پوزولان گلشنون کیمی
اوخلار دمینده سینون اولوب جوشنون کیمی
هانسی مسافرون آنام اوغلی سنون کیمی
مذبوح اولوب باشی بدنیندن جدا گزر
.
.
یوخدور حسین یارالاریوون سینه ده سانی
گرد و غباریلن نجه گور خشک اولوب قانی
قاتل کسوبدی باشیوی بس اللرون هانی
اؤپسون او اللری باجون ای مقتدا گزر
.
.
«انور»حسین آدینی دئ صبح و هر مسا
زینت تاپوب اؤ نامیله چون عرش کبریا
ارزش لنور حسینی اولان همچو کیمیا
بیجادی بس بیرعده گئدوب کیمیا گزر
.
.
#حسینیه_انور_اردبیلی
#کوچ_کربلا_حسینیه_مدح
#عاشق_خیال_عشقیله_صبح_و_مسا_گزر
#ترکی #انقلاب_کربلا
.
✍️ #زبدةالاشعار ✍️
.
🆔: @nohe_torki