عباسوی درک ایله اماندور آتام اوغلی #عباسیه_ذهنی_زاده

استمداد حضرت ابوالفضل علیه السلام
.
.
مرحوم ذهنی زاده
.
.
عباسوی درک ایله اماندور آتام اوغلی
تاپ قارداشوی حالی یاماندور آتام اوغلی
.
.
ای پادشه کون و مکان علت ایجاد
ال تاپدی علمداریوه بو فرقه بیداد
فریاده یتیش داده گل ایله منه امداد
اجلالیوه چشمیم نگراندور آتام اوغلی
.
.
ای لشگری مغلوب جفا و ستمیله
ای قامتی خم بار گران المیله
گل اولدی نگونسار علمدار علمیله
فتح و ظفر دشمن عیاندور آتام اوغلی
.
.
دشمن باشیمون قانینی گوز یاشیمه قاتدی
بوندانصورا هر گوز که یاتانمازیدی یاتدی
سعد اوغلى یقین أیلدى آمالینه چاتدی
اهل حرمه مطلبی آندور آتام اوغلی
.
.
هر چند عدو سالدى علمداریوی دلدن
هیهات تاپیدی منه ال لشگر دشمن
شاهین قضا پنچه سینون دوشموشیم من
تقدیر خداوند جهاندور آتام اوغلی
.
.
غم چکمه که سولدوردی گلستانوی لشگر
گل گلشنه باخ گللره سیر ایله برادر
هر رنگ گل آچمیش بدنیم گلشنه بنزر
غم گلشنیدور رشک جناندور آتام اوغلی
.
.
بو منظره ده یوخدی گورن گلشن و گلزار
گل یاره لریم تیر جفا هر گله بیر خار
جسمیمدن آخان قاندی و من تحتها الأنهار
شمشاد قدیم سرو رواندور آتام اوغلى
.
.
بوحسن وطراوتده گل اولماز چمن اولماز
بونقشه ده صد برگ تاپولمازسمن اولماز
دنیا نقدر وار بیله گلشن گورن اولماز
هر مرده دله نکهتی جاندور آتام اوغلی
.
.
سردارینون آلدی سسینی خسرو بی یار
سسلندی دایان گلدیم علمدار وفادار
سنسیز نه صفا گلده نه سرو و نه چمنزار
عمریم گلی پامال خزاندور آتام اوغلی
.
.
تعجیلیله اول پادشه ملک محبت
یوز مصرع سرداره قویوب قلیدی محبت
گلدی یتشوب قارداشینا باشلادی صحبت
فرمایش ایدوب یاتما اویان دور آتام اوغلی
.
.
شاهنشهون آلدی سسینی سمع سپهدار
ایثار ایلدی دُرج لبیندن دُر شهوار
عرض ایلدی سندن خجلم ای شه ابرار
خجلت بلوسن بار گراندور آتام اوغلی
.
.
فریاده چاغوردوم سنی سوء ادب اولدی
سوء ادبه بیر نچه سوز وار سبب اولدی
عفوایله گذشت ایله سنه چوخ تعب اولدی
عفو ایلماقون دلده گماندور آتام اوغلی
.
.
.
گلدون بیله وقتیمده یتوردون منی کامه
عرضیم بودی سن تک بیر امام اوغلی امامه
تا وار نفسیم نعشیمی نقل ایتمه خیامه
جان ویرماقیما خوش بو مکاندور آتام اوغلی
.
.
آگهسن اوزون اهل حرمدن خجلم من
سو اولمادی دنیاجه بوگون منفعلم من
بو نار تحسّله ایله مشتعلم من
روحیمده بو ناریله یاناندور آتام اوغلی
.
.
عالمسن اوزون ایتمرم اوز فکریمی قارداش
گوزدن آخار اهل حرمون حالنه قانیاش
بو عالم امکانی گوروم محو اولا ای کاش
فکر حرم اسباب فغاندور آتام اوغلی
.
.
آتدان یخلاندا الیم اولمادی برادر
نه عرض ایلیوم نولدى بلور خالق اکبر
دشمنده باخوب یاندی توکوب اشگ گورنلر
معلومدی مطلب نه نهاندور آتام اوغلی
.
.
اولسیدی الیم ایمدی بیوک کامه یتردیم
گوزدن قوریان قانیله توپراقی سیلردیم
آخر نفسیمده یوزیوی بیرده گورردیم
باغریم بو خیالاتیله قاندور آتام اوغلی
.
.
پیشوازیوه چوخ شایقدیم داده گلنده
حیف اولدی که دارای قیام اولمادی منده
معذورم اوزانماقدا یارام چوخدی بدنده
اوخ یاره سی دور زخم سناندور آتام اوغلى
.
.
ذهنی که کسوب علقه سینی دار فنادن
عقبایه گلوب فیض آلا درگاه خدادن
شاد ایله شها سنده اونی جود و سخادن
ذهنیدی بیزه نوحه یازاندور آتام اوغلی
.
.
.
.
#عباسیه #ذهنی_زاده
#عباسیه_شهادت
#عباسوی_درک_ایله_اماندور_آتام_اوغلی
#ترکی
#زبدةالاشعار