عجب صحبت دلسوز ایدور اکبریم عمه #اکبریه_نخستین

وداع حضرت علی اکبر (ع)
..
..
..
#سبک_علی_جان_بالا_لبیک
..
..
مرحوم نخستین اردبیلی
..
..
..
..
..
عجب صحبت دلسوز ایدور اکبریم عمّه
علاجیم نه دور الدن گیدور اکبریم عمّه
..
..
..
..
..
گوزوم یاشین اگر من ئورک قانینه قاتسام
ایاقینه باشیمدان آچوب معجریم آتسام
او خلعت که گیوبدی اونی عمه چخارتسام
سورونّم یوزی اوسته اگر نیّته چاتسام
..
سارالموش یوزوم عمه اولور اشگیله پرنم
اگر گیتسه دالیجان گیدوب تلّیدن أَنَّم
دوتوب دامن وصلین ایاقینه دؤشنَّم
..
..
..
..
..
امیدیم گیدور الدن بو هنگام خطرده
بی بی سن که بیلورسن، خطر وار بو سفرده
آنام لیلیه بیر باخ، منی ساخلا نظرده
او شهلا گوزه قورخوم بودور قان چکه پرده
..
یامان گونده ضیاء دن دوشوب گوزلریم عمّه
یا کس دامن پاکون یا کس اللریم عمّه
یا قویما گیده جنگه علی اکبریم عمّه
..
..
..
..
..
کسوب طاقت و تابیم منیم بو غم تازه
قالام قورخورام حسرت مه ملک حجازه
گیدوب عرض ایلسم من شه بنده نوازه
على اکبره ویرمز بابام جنگه اجازه
..
گوزوم یاشیله باخسام اونی رحمه گتورّم
یوزیمی ایاقیندان فراقتله گوتورّم
آنام لیلیه اوغلون بو تزلیکده یتورّم
..
..
..
..
..
گوروب چاره سی یوخدی جگرقان گوزی یاشدی
ال اوزدی بی بی سیندن علی جان دیدی قاشدی
اوشهلا گؤز ائلیکی سولان رنگه ساتاشدی
وفالی باجی قارداش ایکی قولارین آشدی
..
نجه شرح ایلیوم من اونون غملو چاقیندان
بوئی چاتمادی ئوپسون علی نون دوداقیندان
دوشوب توپراقا ئوپدی الیندن ایاقیندان
..
..
..
..
..
دیدی درد فراقون یاماندرو علی اکبر
منه رحم ایله قارداش آماندرو علی اکبر
تحمّل ایله گیتمه دایان دور علی اکبر
منی باشووه بیرده دولاندور علی اکبر
..
نیه رخت وصالی آنام اوغلی سویورسان
آنامی کیمون آیا پناهینده قویورسان
شیرین دیللی باجوندان بو تزلیکده دویورسان
..
..
..
..
..
بویوردی باجی صبر ائت فراقه هله یانما
یانور یاره لی قلبیم قباقیمده دولانما
قیت خیمیه بیجا یره بوردا یوبانما
نه دوتما اتگیمدن نه باشیمه دولانما
..
داخی دار فناده هوسلنمرم اکبر
فراقه دوزه بیلسم بیله اسمرم اکبر
الیمده قره معجر یولون کسمرم اکبر
..
..
..
..
..
دیمم قال باشیم اوسته ، من ئولسم منى دفن ایت
بیر آز صبر ایله قارداش ئولوم من صورا سن گیت
..
ئوپور قارداش اوزیندن گوزیندن باجی دویمور
قدم آتماقا اصلا علی اکبری قویمور
..
دوام ایتمه دی درد و غمه قلبی سخیلدی
ایدوب ناله و افغان یوزی اوسته یخیلدی
..
او قدر آغلادی غمدن او خاتون بلاکش
گئدوب تاب و توانی یخیلدی ایله دی غش
..
عجب یاندریجی سوز سؤزون قالدى دالیندا
گیدوب باجینی قارداش قویوب غشوه حالیندا
..
گلوب هوشه ایلیکه او خاتون گوزون آشدی
هانی قارداشیم اکبر دیوب خیمیه قاشدی
..
سلام ایله (نخستین) بو یرده سوزی قورتار
ئوزون آغلوسان حتى الونده قلم آغلار
..
..
..
..
..
#اکبریه #نخستین #اکبریه_شهادت #اکبریه_وداع #ترکی #زبدةالاشعار