عرصه حشره حسین قانینه غلطان گله جک #حسینیه_کاتب_اردبیلی

حالات #قیامت
برپاشدن یوم محشر و جریانات امام حسین (ع)
.
.
.
#سبک_یارالی_جان_یارالی … 4 سبک
.
.
مرحوم کاتب اردبیلی
.
.
عرصه ی حشره حسین قانینه غلطان گله جک
ائتمگه شیعه لرون دردینه درمان گله جک
.
.
دونه جک روی زمین کوره ی حداده او گون
اهل محشر گله جک ناله و فریاده او گون
بیر بئله وقته حسین دور یتر امداده او گون
جمله مجرملریچون شافع عصیان گله جک
.
.
بیر طرفده دوراجاق باشلارى الده شهدا
بیر طرف صف چکه جک قوللارى باغلى اسرا
قویاجاق عرصه گه حشره قدم خیر نسا
حقیدن ایستیه جک عدلیله دیوان گله جک
.
.
دوتاجاق الده حسینون او کسوک اللرینی
بجدلون کسدیگی انگشتیله انگشترینی
ایکی بازوی ابوالفضل وفا پرورینی
آیری محشر ائده جک خلقه نمایان گله جک
.
.
دوتاجاق قائمه ی عرشی او خاتون جزا
دییه جک بار خدایا بو حسین بو شهدا
عفو قیل هرکیم عزا ساخلیوب عالمده اونا
تعزیه دار لره مژده ی غفران گله جک
.
.
انتقام ایستیه جک حضرت زهرا او زمان
تا معذب اولاجاق خصم لری پیر و جوان
خولی و حرمله و شمر و عمر سعد و سنان
دمبدم اونلاریچون شعله ی نیران گله جک
.
.
كاتبا غم یمه گر اولسا گناهون نه قدر
اولو شافع سنه اول پادشه تشنه جگر
ثبت قیل دفتره محنت لرینی شام و سحر
تا الونده اولا محشر گونی عنوان گله جک
.
.
#حسینیه_شهادت #قیامت #قیامت_کاتب_اردبیلی #حسینیه
#عرصه_حشره_حسین_قانینه_غلطان_گله_جک
#ترکی
#زبدةالاشعار