علت ندور قارداش بئله پوزقوندی حالون #شب_عاشورا_حزین

شب عاشورا
..
..
سبک ها #سبک_یا_فاطمه_من_عقده_دل_وا_نکردم … #سبک_ای_درد_بی_درمانلارا …
و با اضافه کردن واگیر :
#سبک_مستان_همه_افتاده_و_ساقی_نمانده
#سبک_ای_کربلانون_تشنه_لب_قربانی_قاسم
..
..
..
مرحوم حاج حیدر حزین خسروشاهی
..
..
..
علت ندور قارداش بئله پوزقوندی حالون
آرتار دمادم بو گیجه درد و ملالون
ای شاه عطشان باغریم اولورقان
چوخ تو کمه قارداش اشک زلالون
..
..
..
..
وار بوگیجه اهل حرمده اؤزگه عالم
یکسر خیام طاهراتی دولدوروب غم
حسرتله سن باخدوقجا بو اوضاعه هردم
آرتور غمون دلدن سولور گل تک جمالون
..
..
..
..
آلموش کناره هر آنا اوز نوجوانون
گوزدن توکور رخسارینه اشگ روانون
سرّین بیان ایله بو غملی ماجرانون
قارداش نیه وحشتده دور اهل و عیالون
..
..
..
..
قارداشینا باخدوقجا هر باجی چکور آه
اوج ایلور آهی عرشه ای شاه فلک جاه
ای قلب عالم قیل منی بو سرّه آگاه
گل عارضه حسرتله توکمه اشگ آلون
..
..
..
..
باخد وقجا حسرتله سوسوز اطفاله قارداش
رخصت ویرورسن گوزده اشگ آله قارداش
یوخ منده طاقت بو اسفلی حاله قارداش
قورخوم بودور هجره دونه روز وصالون
..
..
..
..
اوغلون علیّ اکبره باخدوقجا قارداش
موجه گلور حسرت یوزیله گوزده قانیاش
زینب سنه قربان منه بو سرّی قیل فاش
نولموش پریشاندور بئله فکر و خیالون
..
..
..
..
صاقدور ابوالفضلون اسور الده لواسی
اما خیامی دولدوروب شیون صداسی
اصغر بوغازیندان اؤپور هر دم آناسی
آرتور سنون غملی گویولده ابتهالون
..
..
..
..
بو پوزقون احوالون سنون هر آن برادر
چوخ پرخطر بیر ماجرا ایلر مصوّر
یوخسا اولوبدور سرنوشتونده مقدّر
اؤز ئولماقون اعلان ائدور طرز مقالون
..
..
..
..
قیلّام نظرده صبحون اوضاعین مجسّم
صبحون زمانی وار بو چولده اؤزگه عالم
برپا اولور بیر شور رستاخیز اعظم
فریاد او ساعتدن یتر گون تک زوالون
..
..
..
..
جدیم وئروب قارداش خبر بو ماجرانی
صبح اولسا بو چولده دوتار شیون جهانی
باشسیز قویارلار اهلبیت مصطفانی
حدّن گیچر ظلمی گروه کین خصالون
..
..
..
..
قارداش شهید ائتسه سنی قوم ستمگر
بو چولده نه حاله قالار آل پیمبر
غارت ائدرلر خیمۀ اجلالی لشگر
ظلمیله تاراجه گیدر مال و منالون
..
..
..
..
قرآن اوخور قانلی باشون نوک جداده
هر بیر دیاره ایلسه عزم و اراده
گللم دالونجا گه سواره گه پیاده
قویمام پوزولسون شوکت وجاه وجلالون
..
..
..
#شب_عاشورا #حزین #ترکی #زبدةالاشعار