علی ای روح ایثار مجسم شکل انساندا #حیدریه_عابد_تبریزی

هو الباقی
عرض ادب به پیشگاه حضرت مولی الموالی على (ع)
.
✍️ #زبدةالاشعار ✍️
.
🆔: @nohe_torki
.
مرحوم عابد تبریزی
.
علی ای روح ایثار مجسم شکل انساندا
علی ای محتوای دین حق آیات قراندا
.
علی ای عنصر أسطورۀ گون ابداع خلقتده
علی ای جوهر لطف و صفا دنیای امکاندا
.
علی ای نقش اوصاف الهی دید بینشده
علی ای عکس حسن لم یزل آئینۀ جاندا
.
علی ای فیض جاری طینت نفس عوالمده
علی ای جود نافذ طبع أنس و خلقت جاندا
.
سن ای کنز خفی تعبیرینه مصداق أَن أُعرف
هویدادور او مخفی جلوه بو حسن نمایاندا
.
نزول وحی تک تنزیل جاهیله تاپیب ذاتون
سکونت بو سرای پست پر آشوب و طغیاندا
.
جهان بی قدردور تشخیص وئرمیب پایۀ قدرون
سولار بورسمدور گل سوزش خار مغیلاندا
.
هجوم ظلمت کفر و نفاقیله سونوب نورون
کدورت ابری قویموب جلوه قرص ماه تاباندا
.
نفاق و حرص و کین ترکیب اولوب توکماقلیقا قانون
تحقق وئردی بو بدخواهشه بیر تیغ جولاندا
.
مرادی نأمراد ائتدی دیانت اهلینى بالله
یوزون رنگین ائدیب قانیله طاعتگاه یزداندا
.
اولوب محراب گلگون قانله بیر لحظه ده، گویا
هوالباقی یزیدی صفحه محرابۀ بوقاندا
.
دئمم جزع یمانی نرگس مخموری دولدوردی
دوزولدی شدّه مرجان کیمی قان تار مژگاندا
.
مثال هیکل توحید نقش اولدون یره، اولدی
شکست آثاری مرئی پایۀ ارکان أیماندا
.
سپیده قانه باتدی فجر اولوب نادم طلوعیندن
تزلزل آشکار اولدی قوام نظم دوراندا
.
علینی أؤلدوروبله صورت انسان اولان کسلر
بو قان وار دامن حشره کیمی دامان انساندا
.
علی داغی دوتوب دنیانی بو داغی گورر واضح
کیمی قلب شقایقه کیمی شمع شبستاندا
.
نفاق أهلی علینی کوفه ده اولدوردولر «عابد»
عیان أیلوبله شور محشری دنیای امکاندا
.
.
#حیدریه_مدح
#علی_ای_روح_ایثار_مجسم_شکل_انساندا
#ترکی
.
✍️ #زبدةالاشعار ✍️
.
🆔: @nohe_torki