ورود اسرا بکوفه ویران
.
#زبدةالاشعار
.
: @nohe_torki
.
علومی تبریزی
.
عیال شاه مردانوخ جماعت
اسیر آل سفیانوخ جماعت
.
بیله فکر ائتمیون گبر و یهودوخ
تماما اهل قرآنوخ جماعت
.
او باش که ایلوری قرآن تلاوت
دیور یعنی مسلمانوخ جماعت
.
عراقه بیزلری سیز دعوت ائتدوز
گلوب بو شهره مهمانوخ جماعت
.
اولوب غارت جلال و عزّتیمیز
پوزلموش بیر گلستانوخ جماعت
.
گرفتاروخ بو گون شمرین الینده
او دور علت که گریانوخ جماعت
.
بیزه چوخ باخمیون ای بی حیالر
که بیز پابند ایمانوخ جماعت
.
ویرون یر ایلیاخ بیر استراحت
که چوخ زار و پریشانوخ جماعت
.
سالوب غملر بیزی تاب و تواندان
ایدون باور که عطشانوخ جماعت
.
مسلمانه مسلمان ائتمز آزار
اسیر قوم دونانوخ جماعت
.
ندور تقصیرمیز ای بی وفالر
مگر بیز اهل عصیانوخ جماعت
.
بیزوخ ای کوفیان آل پیمبر
بو نوعی خانه ویرانوخ جماعت
.
بو ناخوش حجت روی زمیندی
باشندا جمع نسوانوخ جماعت
.
علومی سنده هر بیر یرده اولسان
سوله مداح سلطانوخ جماعت
.
.
.
#کوفه_علومی_تبریزی
#عیال_شاه_مردانوخ_جماعت
#ترکی
.
#زبدةالاشعار
.
: @nohe_torki
نظر دهید