در مدح و منقبت حضرت زهرا (س)
.
#زبدةالاشعار
.
: @nohe_torki
.
عیسی ثاقب بخشایش
.
فاطمه دخت نبی فاضله دی کامله دی
هامی دانش لره علامه دی هم عامله دی
.
فاطمه علت هستی دی شرافتده یقین
رونق افزا نفسی عالَم آب و گِله دی
.
کون و امکان یارانوب فاطمه نون خاطرینه
پای افلاکه اونون عشقی آغیر سلسله دی
.
گر تولّاسی اونون اولماسا داغلارجا عمل
آدینه آند اولا محشرده بوتون باطله دی
.
فاطمه کلمه سی بش حرفیدی بخش اولسا اگر
بش جواهر یاپشوپ بیر بیره بی فاصله دی
.
فوق فرق بشره نقطه «فا» تاج قویوب
فیضی باران کیمی نازل هامی اهل دله دی
.
رکن بیت اسدالله «الف» قامتیدى
بس که دستآس ایلیوب ایوده الی آبله دی
.
حرف «طا» سیندن اونون طالع اولور طلعت عشق
طوف درگاهی شرف حضرت جبرائیله دی
.
«میم» محراب محبتده او مام حسنین
زینت فرضدی آرایش هر فاضله دی
.
هل اتی ترجمه سین فاطمه «ها» سیندن اوخی
باب امّیده یانان درگهی هر سائله دی
.
وصف زهرانی گرکدور که ایده حضرت حق
غیر ممکن بو عمل یوخسا بو الکن دیله دی
.
من کیمم درک ایلیم مرتبۀ عزّتینی
ذرّیّه، مدحت خورشید چتین مسئله دی
.
بوقدر عرض ایده بولّم اودی محبوبۀ حق
احمده یعنی احد لطف ایلین بیر صله دی
.
ئوزونه حضرت حق ایستدی مظهر یارادا
نور ذاتیندن اودور فاطمه نی خلق ایله دی
.
نه سبب بولمورم اما که بو چرخ فلکین
گردشی کام لئیم و دغل و جاهله دی
.
روح احرار سیخار دهریده سرپنجۀ غم
فلک کج روشین شیوه سی دائم بِئله دی
.
او جلالتده بتولی نجه گور اینجتدی
دورت طرفدن خانمی لشگر غم دوره له دی
.
ایله کی ختم رسل ایتدی جهاندان رحلت
گیجه گوندوز یوزینه اشکنی زهرا اَلَه دی
.
جانشین نبوى أئوده اولوب خانه نشین
اوخ کیمی آهی دل فاطمه نی یاره له دی
.
هر زمان گوردی سولوب گل کیمی مولا سولدی
بلی گل سولسا چمن کُنج قفس بلبله دی
.
گوردی بیرگون ولی اعدا توکولور منزلینه
اوجالوب عربده لر کوچه آرا غلغله دی
.
گلوب اعدا آپارا بیعته خیبرشکنی
ثانی سردسته او فوج دغل و ارذله دی
.
شهر علمین در درگاهینی شدّتله دوگوب
چشم امّید فلک سایمادی او منزله دی
.
گلدی بی واهمه پشت دره سسلندی خانم
یابن خطّاب ندور نیّتون افشا ائله، دی
.
گلمیشوق بیعته سویلوب آپاراق مولانی
مسجده گیت اوز ایاقیله بیزیلن گله، دی
.
یوخسا جبریله آپارّوق بو کمک سیز آقانی
گرچه قوّتده مثل قدرتی هر بیر یَله دی
.
بویوروب فاطمه شرم ایلموسوز طاهادن
مهبط خیل ملائکده بو نه غائله دی
.
جانشین نبوی غاصبه بیعت ایلمز
چون على قافلۀ امته سر قافله دی
.
حجت الله دی بو دیزلرین آغوشه آلان
طاعتى فرض بونون آتشه، خاکه، یِله دی
.
مرتضا فاتح خیبردی بُلورسوز هامّوز
ایستمور وحدتی سنسون بله با حوصله دی
.
گوردی ثانی قاپونی آچمیاجاق دخت رسول
پشت درده دایانوب یارِ شه عادله دی
.
امر ایدوب یاندورالار درگه خیبرشکنی
قاپی ظلمیله یانوب دودی گوگی تیره له دی
.
قدرتین یغدی او نامرد شل اولموش ایاقا
چون ایشتیمشدی که محبوبۀ حق حامله دی
.
قاپیا وردی ویردی لگد یخدى علینون ائوینی
ایکی مظلومی همان ضربیله قانه بله دی
.
سوزی کول باشیما بی پرده دانشدیم اما
میخ در ایلدی زهرا خانما هر نِئله دی
.
ثاقبا درگه زهرایه ذلیلانه یخیل
روز محشرده شفاعت ایشی زهرائیله دی
.
.
#فاطمیه_ثاقب_بخشایش
#فاطمیه_مدح
#فاطمه_دخت_نبی_فاضله_دی_کامله_دی
#ترکی
.
#زبدةالاشعار
.
: @nohe_torki
نظر دهید