سخنان آتشین زینب کبرا علیها سلام
به حاکم جبار شام
..
..
..
..
مرحوم انور اردبیلی
..
..
..
..
فخر ایلمه ای یزید جانی بو سلطنتون دوامی اولماز
پاینده دی کرسی عدالت تخت ستمون قوامی اولماز
..
..
..
..
هر جنگی ایدنده ارزیابی فاتحدی جهاندا حق دینلر
آخرده قالوبدی پابرهنه ظلمون بلی چکمه سین گینلر
راحت اوتوروب نفس چکنمز سر نیزیه تکیه ایلینلر
قان توکمه ز بسکه شوم عملدور بو فلسفه نون نظامی اولماز
..
..
..
..
نامرد آتوون جفالریندن تاریخ بشر اولوب سیاهی
ملتدن آلوبدی مالیاتی آباد ایلدی بو بارگاهی
سن وارث کرسی ستم سن جُرمه عملون ویرور گواهی
انفاس سلیمی ئلدورونلر رسوای جهاندی نامی اولماز
سن شاخۀ رجس و بی ثمرسن ملعونه خبیثه بیر شجردن
بیز شاخۀ سایه دار و زیبا بیر نخلۀ پاک و باروردن
هر کیم سنه تابع اولسا لا شک مجد و شرفین آتوب نظردن
هر کیم بیزه پیرویدی امّا منصبله پولون غلامی اولماز
..
..
..
..
لعنت گله سن کیمی ستمگر سلطان لعین و می پرسته
لعنت گله حقّدن دمادم دورونده که مردمان پسته
ننگ اَبدی بو ملتیندور ناموسنی تاپشوروبدی مسته
مستون ید بی کفایتینده آزاده لرون زمامی اولماز
..
..
..
..
فرعون کیمى تکبّرون وار نقسون سنی چکدی ابتذاله
بو نوعلیه یلّنوب دماغون، یر گوی آدووا اولوب قباله
هذیان دانشوب هدر گولورسن ساقی لرون هی ویرور پیاله
سلطان عَلنی شراب ایچنده محرم لری گور حرامی اولماز
..
..
..
..
گه چگنوی اوینادوب گلورسن مجلسده غرور و نخوتوندن
گه شعر قرائت ایلیورسن خوشحال اولوسان جنایتوندن
شاد اولما کذائی قدرتوندن بهره سنه یوخ بو دولتوندن
ارباب عقول محضرینده قدّاره کشون مقامی اولماز
..
..
..
..
اجدادیوی آرزو ایدورسن یاده سالوسان شیوخ بدری
حاشا گله سَسَ صدا اولاردان اقواموی سسلسون نقدری
هر تک تکی سلطۀ لَحدده تپراق اولوب استخوان صدری
ارواح پلید و لکّه داره فخر ایتمگون احتشامی اولماز
..
..
..
..
هنده آنوون دانشمیورسان علت ندی بد عمل لریندن
اولموشدی اسیر بند شهوت بیگانه دوروردی بستریندن
حمزه جگرین چخارتدی سُوردی خوف ایتمدی جُرم کیفرندن
جانی اولار اول خبیثون اوغلی واضحدی گوزل مرامی اولماز
..
..
..
..
انسانلاری خاک و خونه چکدون فکر ایلمه قدرتون چوخالدی
آزاده لر اولدی تیر باران قانلاری توکولدی یرده قالدی
یوخ یوخ او شهید اولان جوانلار جان خرمنینه شراره سالدی
ختم اولماسا عمرویون کتابی ظالم بو اودون ختامی اولماز
..
..
..
..
بلمز ندی ارزش و عیاری ناکس الینه گهر یتیشسه
قرآنه جفادی تاج و تخته هر مردک خیره سر یتیشسه
سن مسند حقّی غصب ایدوبسن اوز صاحبینه اگر یتیشسه
اخلالگر آدی خلقه قویماز برنامۀ قتل عامی اولماز
..
..
..
..
اسلام سنون کیمی رئیس خودخواه و جفا شعاری نیلور
قرآن سنون کیمی امیر قرآن کُش و فتنه کاری نیلور
ایمان سنون کیمی پلید و دزد شرف و وقاری نیلور
دین اوغروسی اولسا هانسی رهبر اسلامده احترامی اولماز
..
..
..
..
ناجنس بشر دانشما لال اول خار ره رهروان اوزون سن
آزاده لری سن ئولدوربسن قاتل لره حکمران اوزون سن
توهین ایلمه امامه شرم ایت اخلالگر زمان اوزون سن
قارداشیم حسین دوشنمیوبسن معصومدور اتّهامی اولماز
..
..
..
..
آرامشی فکری خلقون اولماز غارتگر اولاندا شهره شحنه
چاپدون تالادون حریم حقّی گلدی آریا بو نوعی صحنه
اوز قزلاروون باشندا معجر زهرا بالالاری سر برهنه
یابن الطلقا اوتانمیورسان غارت گر اولان گرامی اولماز
..
..
..
..
هر مسلم و اهل حق و دینه بیگانه لر ایلسه تعدّی
سن امر ایده سن گرک بفوری معلوم اولا ظلمکارون حدّى
آخر بوحرملرون بناتون پیغبر کبریادی جدّی
سن غیرتی اولمیان ملک سن بی غیرته ملت حامی اولماز
..
..
..
..
ظالیم نه دلیله بازوان عادل لره ریسمان ورورسان
اسلام اورگین ایدوب نشانه سن خنجر خونفشان ورورسان
الله چاغران دوداقه تئزتئز بی واهمه خیزران ورورسان
قانی توکولور طلائی طشته فکر ایلسون انتقامی اولماز
..
..
..
..
اولسیدی اگر عقیده سنده قرآن مجید و ذوالجلاله
اولمازدی اسیر دوشمزیدی پیغبرون عترتی بو حاله
صیاد دنی نه ظلم ایدورسن بیر عدّه تورا دوشن غزاله
یورقوندی کبوتران عصمت آچسوندا پرین خرامی اولماز
..
..
..
..
مؤمنلر امیرینون جوانمرد اوغلون ایلدون قتیل جَبری
گتدون یارالی باشین حضوره یغدون باشووا مجوس و گبری
قانلو دوداقا توخاندی ضربون اهل حرمون تالاندی صبری
یحیای زمانه دور دریغا راحت لب لعل فامی اولماز
..
..
..
..
بو باشکه ایدوردی بوسه تئزتئر پیغبر مهربان گوزوندن
انصافیدی توز دوتا جمالین یا که دوتا لخته قان گوزوندن
جدّیم هانی اوغلونون گوریدی اؤپدی نجه خیزران گوزوندن
قانلو گوزونی باخوب گورن گوز آیانجه اشک جامی اولماز
..
..
..
..
مین اوچ یوز و اللّی یدّى مینجی ایلده صفر آئینون بشینده
حسّاس زمانی انقلابون تکبیر جماعتون دیلینده
انور بو سوزی گتوردی نظمه دوتسیدیلا قالمازیدی زنده
افسوس اولا ایندی رندلردن تحقیر گورور سلامی اولماز
..
..
..
..
#مجلس_یزید #انور_اردبیلی #ترکی #زبدةالاشعار
نظر دهید