قائم آل محمد شه عالی فریمیز گل #مهدیه_تائب_تبریزی

یا مهدی
.
#زبدةالاشعار
.
: @nohe_torki
.
مرحوم تائب تبریزی
.
قائم آل محمد شه عالی فریمیز گل
وارث احمد امجد ، ای گوزل رهبریمیزگل
.
.
شیعنون جانی سنون تک شه عالی فره قربان
بیر جهان سرور عالم بئله بیر سروره قربان
رهبران هامی دوران سن کیمین رهبره قربان
ئوزی منصور و موید مه سمین بریمیز گل
.
.
درد هجرانوویلن نه گئجه نه گوندوزوموز وار
سوزلیدور سوزلی ئورکلر سنه گیزلین سوزموزوار
یولووی گوزلوری گوزلر یولدا دائم گوزوموز وار
ای وفادار مسدد درد آلان دلبریمیز گل
.
.
سن کیمی دهریده بیر مصلح کلّ ملل اولماز
یوسف فاطمه ، هرگز سنه ، شبه و بدل اولماز
چوخ گوزل واردی بو آفاقیده سن تک گوزل اولماز
مهدی آل محمد ، دل آلان دلبریمیز گل
.
.
قالمیوب شیعه لرین دلده داخی صبرو قراری
انتظارونلا نه قدری ائلی یاق روز شماری
یا نه اندازه چکاخ حسرت دیدار نگاری
عشقوه دل دی مقید ای نشاط آوریمیز گل
.
.
بولوروق سن ایده سن ترک سفر جمعه گونونده
صبح گاهان ایده روق مدنظر جمعه گونونده
گوزلوری اهل ولایت سنی هر جمعه گونونده
باشدا بیر جیش مجند فاخر و مفخر یمیمزگل
.
.
اب و جدّون شرفادی خلف پاک خلف سن
فخر آباء سلف سن ، وارث شاه نجف سن
جوهر ذات ادبسن شرح معنای شرف سن
غیبتی اولان ممتد پربها گوهریمیز گل
.
.
سرو ، قدون کیمی بیر سرو سمنبار تاپولماز
گولِ حسنون کیمی بیر زینت گلزار تاپولماز
چوخ قزل گول اولی سن تک یوزی گلناری تاپیلماز
ای یوزی وردِ مورّد گول خوش عنبریمیز گل
.
.
ائتموسن الفت اوزون سیر بیابانیله مولا
آناوی دیلده گزرسن دل سوزانیله مولا
سسلوری شیعه سنی دیده گریانیله مولا
غیبتون اولدی ممدد یولدادی گوزلریمیز گل
.
.
سن بیاباندا ، بیز ائوده ، سنون احوالووه یانوق
دوشوب آردونجا دولانوق نه یورللوق نه دایانوق
گلسن ای شمع وفا باشوه عشقیله دولانق
ای اولان عشقه مفرّد شه خوش منظریمیز گل
.
.
نقدر وار سنیله وادی حیرتده دولانماق
منتظر حالیله بو عالم حسرتده دولانماق
شمع دینه نه روا پرده غیبتده دولانماق
ای اولان غیبتی سرمد قائد عنبریمیز گل
.
.
گه سالورسان ئوز آنان فاطمه نین حالینی یاده
گلسون مدفن پاکینده اونون شیون و داده
گه بقیعه گئدوسن ، غم وئروری صبروی باده
آتش آهی ممدّ شه دین پروریمیز گل
.
.
گه سالورسان یولوی بادیه کرب و بلایه
دوشنوب مرقد ششگوشه شاه شهدایه
گلسون اوردا سن آغلار گوزیلن شور و نوایه
آخرین وارث احمد ، حجت داوریمیز گل
.
.
.
#مهدیه
#قائم_آل_محمد_شه_عالی_فریمیز_گل
#ترکی
.
#زبدةالاشعار
.
: @nohe_torki