قارداش دیار شامدن ، باشیمده غوغا گلموشم #اربعین_بهار_تبریزی

اربعین
.
#زبدةالاشعار
.
: @nohe_torki
.
#سبک_ای_شاه_مظلومان_حسین … 5 سبک
مشابه

.
مرحوم محمود توتونچی (بهار تبریزی)
.
قارداش دیار شامدن ، باشیمده غوغا گلموشم
دلده نوا باشه یغوب ، بیر عدّه ثکلا کلموشم
.
.
بیر مدتی اولموش باجون ، سندن حسین هر چند دور
حمد ایلرم اللهیمه ، تاپدی گنه فیض حضور
تیره گونوم اوضاعینه ، گورسندی بیر آیات نور
ای پور عمران من تاپوب بیر طور سینا گلموشم
.
.
احساس و فکریم بو دگول ، سوزده وئرم چوخ دردسر
بو خط سیریمده ولی ، الله بولور چکدیم نه لر
تقریره گلمز شرحینی ، قیلّام بیان بیر مختصر
بار بلادن خم اولوب ، بو قدّ رعنا گلموشم
.
.
بیر عورتین پیش آمدی ، من تک اولا حالی نولور
قادر اولار غم چکماقا ، یا صبر ایده مقدور اولور
داغ اولسا داش اونسا اَریر ، گلشن اولا مطلق سولور
منده بو سولموش گلشنه ، شوریده شیدا گلموشم
.
.
بیر عمر من صبح و مسا ، آزدور گر اولسام اشگریز
جدیم رسولین عترتین ، الله ئوزی ایلوب عزیز
بیگانه بزمینده قزون ، بیر شامی ایستردی کنیز
یاندیم یاخیلدیم تنگ اولوب ، چشمیمده دنیا گلموشم
.
.
گویلومده احساس ایلدیم ، قلبونده کی آمالوی
بولدوم چوخ ایستر گورماقا ، گویلون یتیم اطفالوی
یغدیم گتوردوم شامدن ، جمع پریشان حالوی
اکبر هانی ایله خبر ، یانیمجه لیلا گلموشم
.
.
گوزده ملالیم سینه می ، دائم منیم اودلاندیرور
بیر نکتۀ حسّاس وار ، بو زینبون چوخ یاندیرور
کیفیتین عرض ائتمرم ، باخسان قیافم آندیرور
قان ایلیوبدور باغریمی ، قارداش او معنا گلموشم
.
.
کوفه دیمه حددن چخوب ، اوردا اولان جور و جفا
وئردی زیاد اوغلی بیزه ، اوّلده منزلا گور هارا
انصافه باخ بیر ظلمه باخ ، زهرا قزی زندان هارا
قزلاریویله ایلیوب ، زندانی مأوا گلموشم
.
.
نطق و بیان ایستر دییَم ، طاقت اولوبدور منده طاق
شامین یولی من نابلد ، یول قورخولوق مقصد اوزاق
خسته یورولموش ناتوان ، عریان دوه خردا اوشاق
دوزدوم دایاندیم قالمیوب ، منده توانا گلموشم
.
.
بیجا یره اولموب بیله ، قدّیم مصیبتدن کمان
اولدوم سِپَر من هر کیمه ، قمچی ووراندا ساربان
تک تک سوروش بو قزلارون ، احوالیتی أئتسون بیان
تقریر ایدم ئوز حالیمی ، یوخ دلده یارا گلموشم
.
.
بولموشدی شام اهلی گلور ، شامه اسیران حجاز
چخموشدی استقبالیمه ، وئرموشدیلر بیر امتیاز
رقاصه لر سازنده لر ، اللرده تار و چنگ و ساز
شاماتده چوخ چوخ گوروب ، درد و بلایا گلموشم
.
.
دور و بریم شاماتده ، رَجّاله و اوباشیدی
هر بیر یتیمون ناله سی ، ئوز حالینه یولداشیدی
نیلوم الیمده چاره یوخ ، چارم آخان گوز یاشیدی
بو گوز یاشین شاماتدن ، ایلوب مهیّا گلموشم
.
.
دروازۀ ساعاتده ، دوردی داباندی قافله
صاق و صولوم أشراریدی ، ایلردی یکسر هلهله
بیر حالدیدی قزلارون ، بنزردی مرغ بسمله
منده گوروب أول شهرده ، مین طعن اعدا گلموشم
.
.
دنیانون عمری قورتولور ، گورمز بیله بیر ازدحام
دگموش جماعت بیر بیره ، نه نظم نه بیر انتظام
عذر ایستورم تفسیر ایدم ، نه وضعیدی اوضاع شام
اول شهرده مطلق گوروب ، محشر هویدا گلموشم
.
.
نوک جدایه ووردولار ، گون تک یارالی باشلاری
یاندی بو بی کس عترتون، آخدی یوزه قان یاشلاری
محملدہ زینب نیزه ده ، بو زینبون قارداشلاری
قارداش او باشلاردان آلوب ، قلبه تسلّی گلموشم
.
.
هر کوچه و هر معبری ، گزدیم دولاندیم شامده
هانسی مصیبت یوز وئروب ، دوزدوم دایاندیم شامده
رحم ائتمدی اطفالیوه ، بیر کیمسه یاندیم شامده
بیر اهل دل من گورمیوب ، شام ایچره اصلا گلموشم
.
.
بیر شمّه ده قوی عرض ایدوم ، قارداش سنه ویرانه دن
دل ملکومی ویران ائدن ، ویران شده کاشانه دن
الله بولور نه چکموشم ، من طعنۀ بیگانه دن
اوردا گوروب چوخ طعنۀ ، اعدا و ادنا گلموشم
.
.
بیر یردی اول ویرانسرا ، نه سقف و نه دیواری وار
قارداش آدی منزل ئوزی ، مملؤّیدی گرد و غبار
ایلردیلر بیر گوشه ده ، اوغلى ئولن لر آه و زار
بیر یاندا هم ناله اولوب ، اطفال زهرا گلموشم
.
.
پاشیده افکاریم اولار ، دوشسه رقیه یادیمه
سالدی اونون نسگل لری ، اود بو یانان اکبادیمه
رؤیاده گورموشدی سنی ، سویلردی یت فریادیمه
قلبیمده ایلوب یر منیم ، بو سوز او رؤیا گلموشم
.
.
دوردی اویاندی خوابدن ، حسرتله بیر باخدی بالام
سسلندی بو ویرانیه ، ای عمه گلموشدی بابام
آلدى منی آغوشینه ، وئردیم بابامه من سلام
بابا دیدیم شامه منی ، چکموش قضایا گلموشم
.
.
قلبون دوام ائتمز دیسم ، قارداش یانقلی سوزلرین
جان وئردی بیر زاد تاپمادیم ، تا باغلییدیم گوزلرین
قارداش یرون بوش ایلدیم ، آخر کفن پیراهنین
بو قصه دن قلبه آلوب ، بیر درد عظما گلموشم
.
.
یاندی توکندی عمریمون ، ویرانه ده سرمایه سی
من چکدیقوم محنتلرین ، نه حدّی وار نه پایه سی
زینب دیمه بوندان صورا ، قالدی آدی غم دایه سی
آفاقده بو رسمیله ، آلدیم مُسَمّا گلموشم
.
.
بیرده گورم قبرون حسین ، گوز پرده سینده آشکار
بالای سرده دورموشام ، خلوتدی سن سن بیر «بهار»
بیر بیر حضوراً دردیمی ، عرض ایلرم ای شهریار
بوردان کناره گئتمرم ، قوؤساندا شاها گلموشم
.
.
#اربعین_بهار_تبریزی
#قارداش_دیار_شامدن_باشیمده_غوغا_گلموشم
#ترکی
.
#زبدةالاشعار
.
: @nohe_torki