قافیله یولاندی او ساعت قما #حضرت_معصومه_سیدبشیرحسینی

ورود حضرت معصومه به شهر مقدس قم
(۳ بند از ۱۲ بند )
..
..
..
..
سید بشیر حسینی میانجی
..
..
..
..
بند 8: قوما گلمه‌سی
..
..
..
..
قافیله یولّاندی او ساعت قما
یاغدی یاغیشلار کیمی رحمت قما
.
ایله کی بیلدی بو سوزو آل سعد
عازم اولوبدور مهِ عترت قما
.
خَزرَجین اوغلو یئتیشیب گور هارا!
یاخشی ائدیردی او حکومت قما
.
اولدو او خاتونه جلودار اوگون
قویدو قدم کوکب عصمت قما
.
بیر ایل ایکی یوزدن علاوه اولوب
نور ساچیب نور ولایت قما
.
ییرمی اوچه چاتدی ربیع الاول
اولدو عفافین گولو زینت قما
.
ایلدی موسی ائوینی طور عشق
دوشدو اودور نور حقیقت قما
.
اُول یئره ایندی دئیلیر «بیت نور»
غبطه اودور ایلیری جنّت قما
.
ایلدی اون یئددی گون اوردا عومور
وئردی او آز گونده چوخ عزّت قما
.
.
.
ای قلم اُول حضرته خوش گلدی یاز
قم لولار ائتدیله نئجه پیشواز
..
..
..
..
بند 9: خوش گلدین سوزو
.
ای گل رضوان قماخوش گلمیسن
زیب گولوستان قماخوش گلمیسن
.
حُجب و حیانین گؤیونون اولدوزو
ماه درخشان قماخوش گلمیسن
.
گول سپیری مقدمیوه اهل دیل
دلبر خوبان قماخوش گلمیسن
.
شوقیله پروانه‏ لر عرض ایله ییر
شمع شبستان قماخوش گلمیسن
.
حور و فرشته ایاقیندان اؤپور
قبله گه جان قماخوش گلمیسن
.
دین قیزی ایمان باجیسی حق قوشو
بنده ی سبحان قماخوش گلمیسن
.
گؤر نئجه قربان کسیری شیعه ‏لر
سئومه ‏لی مهمان قماخوش گلمیسن
.
بو گونو حاشا اونوداق دهریده
ای بیزه جانان قماخوش گلمیسن
.
سالما نظردن بیزی معصومه جان
آدیوه قوربان قماخوش گلمیسن
.
شهر سنوندور سنه لایقدی قم
سنله دؤنه گولشنه لایقدی قم
..
..
..
..
بند 10: قم شأنینده
.
تاج سرِ کشور ایراندی #قم
کشوریمیزده گوزل استاندی قم
.
عالم علمه یول آچانلار بیلیر
علمیده گوندن‏ده درخشاندی قم
.
نور ولانی داغیدیر گون کیمی
مصدر برنامه ‏ی قرآندی قم
.
گلشن علم و ادب و اجتهاد
کوی حق و عزّت و عرفاندی قم
.
بوردا مشامه یئتیشیر عطر عشق
مبدء راه حق سبحاندی قم
.
شهرلری ایله رعیت حساب
منده دئییم اونلارا سولطاندی قم
.
آل رسوله بورا کاشانه دی
شیعه لره روضه ‏ی رضواندی قم
.
جلوه سینی آرتیق ائدیب جمکران
شمع دل آرایه شبستاندی قم
.
مدفن اولوب حضرت معصومیه
پس دئیه بیللم کی گولوستاندی قم
.
قمدا او مظلومه وفات ایله دی
حسرتیلن ترک حیات ایله دی
..
..
..
..
#23ربیع
#حضرت_معصومه_ورود_قم
#قافله_یولاندی_او_ساعت_قما
#سیدبشیرحسینی #حضرت_معصومه
#ترکی
#زبدةالاشعار