قالدون اوچ گون اوچ گجه عطشان اوغول #اصغریه_ذهنی_زاده

زبانحال حضرت رباب (س) در شهادت حضرت علی اصغر (ع)
..
..
..
..
..
مرحوم ذهنی زاده
..
..
..
..
..
قالدون اوچ گون اوچ گجه عطشان اوغول
ایچدون آخر سو یرینه قان اوغول
..
..
..
..
..
بسکه سن لب تشنه قالموشدون على
گل کیمی سولموش سارالموشدون على
سو سراغین أوخدان آلموشدون على
گیتدون اولدون قانوه غلطان اوغول
..
..
..
..
..
زهرلی اوخدا نه لذت تاپموسان
یاتموسان خوش استراحت تاپموسان
ای سولان غنچم طراوت تاپموسان
اولموسان بیر لالۀ نعمان اوغول
..
..
..
..
..
حقلییَم موجه گلوب اشکیم داشا
درد و غم دریاسی تک باشدان آشا
بو بوغازون اوخ بیچوب باشدان باشا
یا کسوبدور ناوک پیکان اوغول
..
..
..
..
..
نسگلیم اودلار جهانی برملا
وار یری هر سود أمر سود سوز قالا
کیم گوروب اوخلانسون آلتی آیلوق بالا
نوک تیر اولسون اونا پستان اوغول
..
..
..
..
..
نه منم یالقیز یانان احوالیوه
یاندی دشمنلر آلشدی حالیوه
حرمله گوندردی استقبالیوه
زهرلی اوچ شعبه بیر پیکان اوغول
..
..
..
..
..
تاسنی ویردی نشان شه دشمنه
من ایشیتدیم گلدی دشمن شیونه
چوخ أمید ایتدیم ویرللر سوسنه
حیف امیدیم اولدی بیر حرمان اوغول
..
..
..
..
..
حرمله باخدی گل نورسته سن
حسّ سیز بلبل کیمی دلخسته سن
اوخلینده گوردی سن جان اوسته سن
نه بهانه ایلدى عنوان اوغول
..
..
..
..
..
قلبیمی آهیله بیجا اویمارام
ناله دن بلبل کیمی من دویمارام
قانلو قونداقون یر اوسته قویمارام
خوشدی سینمده اولا پنهان اوغول
..
..
..
..
..
قویدی هر کس خوان بزم یاره گول
همتّیجه یوللادی دلداره گول
أم لیلا ویردی بیر صدپاره گول
منده ویردیم غنچۀ خندان اوغول
..
..
..
..
..
گون ایوینده سن سوسوز جان ویرموسن
شاهد اول بو عهد و پیمانیمده سن
قسمت اولسا ئولمه سم گورسم وطن
گون ایوینده اگلشم سوزان اوغول
..
..
..
..
..
نسگلون دلدن فراموش ایتمرم
آتشین ئولسمده خاموش ایتمرم
هیچ سرین سو جرعه نوش ایتمرم
تا ئولم عهدیم تاپا پایان اوغول
..
..
..
..
..
آلتی آی هر نصف شبلرده نجه
سود ویروب وقتونده قویمازدیم گجه
سود اَمَن وقتون آییلسام بوگجه
نیلیوم من خانمان ویران اوغول
..
..
..
..
..
غفلت اولسیدی آج اولسیدون اگر
سینه مین سود موجی ایلردی خبر
من سنه نامهربان اولدوم مگر
آج سوسوز ویردون آناسیز جان اوغول
..
..
..
..
..
ایل بولر فوت اولساگر بیر سود امر
کیم بولر بیچاره مادردن خبر
آخشام اولجاق سینه سین بیر سود گزر
سود دیمه بیر آتش سوزان اغول
..
..
..
..
..
خون ناحقون سپیلدی گویلره
قانلو خط ووردی سپهر أخضره
انتقامون قالدى روز محشره
وای اگر عدل ایلسه دیوان اوغول
..
..
..
..
..
دیندیروب اوخ دایه سی سن گولموسن
گولماقون قان آغلادارمیش بولموسن
وای آنان ئولسون على سن ئولموسن
ویرموسن جان دوشموسن بی جان اغول
..
..
..
..
..
نسگلون اودلی اورکلر داغلادی
چاره من بیچاریه یول باغلادی
غنچه وش گولدون یاران قان آغلادی
غنچه گولسه گوسترور القان اوغول
..
..
..
..
..
کوسموسن مندن دیمیشدیم آغلاما
وورما دیرناخ سینه می چوخ داغلاما
گل گذشت ایت پوزشه پول باغلاما
آغلا من آغلار گوزه قربان اوغول
..
..
..
..
..
اوخ دگنده قوخموسان دیسکینموسن
دوشموسن ضعف عالمینده اینموسن
هر دیلیله دیندیرنده دینموسن
بس نیدیم من خانمان ویران اوغول
..
..
..
..
..
بسکه گوزدن گوز یاشی توکدوم سنه
سیل تک موج ایتدی داشدی دامنه
دوندی دریایه یقین اولدی منه
تیز قوپاردار قانلو بیر طوفان اوغول
..
..
..
..
..
تیز او طوفان قوپدى تأخیر اولمادی
هیچ کیمی گردابه من تک سالمادی
سن کیمی روحیمده الده قالمادی
ایلدی مستغرق طغیان اوغول
..
..
..
..
..
ساخلارام بو انتقامی محشره
ایلرم شِکوه خدای داوره
سینمی ویرّم نشان پیغمبره
ایلرم دل دردیمی اعلان اوغول
..
..
..
..
..
بوش دوشه سالدیم سنی من آغلادیم
سن خراش ایتدوقجا سینه داغلادیم
لاعلاج اولدوم الیوی باغلادیم
بولمدیم جبراً آچار دوران اوغول
..
..
..
..
..
گل ویراخ رخصت گوز اشک آلینه
آغلاشاق قان بیر بیرین احوالینه
آغلاسن بو اوغلى ئولموش حالینه
آغلیوم منده سنه هر آن اوغول
..
..
..
..
..
حقلیم باشی اچوخ قاچسام چوله
ناله دن ناله یولون آچسام چوله
دسته دسته ساچ یولوب ساچسام چوله
آغلیام چوللرده سرگردان اوغول
..
..
..
..
..
من دیردیم آغلاما بیر یات اوغول
خون دل گوز یاشیمه آز قات اوغول
نه منی بیله گوزوندن آت اوغول
گوزلرون قربانی بو گریان اوغول
..
..
..
..
..