اربعین
.
✍️ زبدة الاشعار ✍️
.
🆔: @nohe_torki
.
حمید محرمی (نادم تبریزی)
.
قبریوی ائدم زیارت دوشدوم اشتیاقه قارداش
یانمیشام بیر اربعین دور آتش فراقه قارداش
.
.
شکر بینهایتیم وارلطف حق اولوبدی شامل
اولموشام طواف قبر میر ماسوایه نائل
دلده کی غبارهجران اولدی وصلویله زایل
گوزلریم دوشنده جنت رشک ائدن رواقه قارداش
.
.
درد و محنت فراقون قلبیمی اویوبدی چون اوخ
دوزدی، آیریلق دییب لر قلبی یاندیراندی چوخ چوخ
یانمیشام نئجه بواود دا سویلماقه منده دل یوخ
کیم منیم کیمی دوزر بو سوز احتراقه قارداش
.
.
باشیمی سنین یولوندا مین غم و بلایه سالدیم
یئر وئریب یانان اورک ده غم غم اوسته هردم آلدیم
بیرنئچه مصیبت اما باعث اولدی من قوجالدیم
قویمادیم خلل یئتیشسین ائتدیقیم وثاقه قارداش
.
.
نه ملال وغم یئتیب دور یوخ بولن بو دلفگاره
امردور محال گلسین درد و محنتیم شماره
باشیمین بلالریندن ایلسم اگر اشاره
اود ویرار شرار آهیم طاق نه رواقه قارداش
.
.
کربلادن آیریلاندا ای عزیز جان مادر
وئرمه دی امان بلالی زینبه اوقوم کافر
تا دییم سنه نه چکدی نینواده آل حیدر
لیک ایندی الده واردی فرصتیم دئماقه قارداش
.
.
چرخ کجروش بوچولده دشمنین یئتیردی کامه
کوفیان بی مروت نائل اولدولار مرامه
اوندا کی شهادت امری یئتدی ظلمله تمامه
گوزلرونده قویمییب دور شمرباغلاماقه قارداش
.
.
شمر بیحیا کسنده باشیوی سنین قفادن
همچو نی نوا اوجالدی سرزمین نینوادن
ائتمییب دریغ بیر آن کینه سین بومبتلادن
قویمادی سنه دویونجا باری آغلاماقه قارداش
.
.
وئردیلر شهادتون تا سعدین اوغلونا بشارت
ائتمه دی حیا اوملعون صادر ائتدی حکم غارت
درک ائدن زمان بوحکمی کوفیان تاپیب جسارت
حمله ور مین آتلی اولدی بیر بولوک اوشاقه قارداش
.
.
دوشدی چون مجال غارت دست قوم نابکاره
نه حرملرینده ساتر نه قالیب دی گوشواره
گوشواره لر سویولدی گوش لر اولوبدی پاره
قیزلار اللرین ویرانمیر ایندی ده قولاقه قارداش
.
.
کیم بولور نه چکمیشم من گلشن وفا سولان گون
گلستان مصطفایه زاغیله زغن دولان گون
گوللر آتلارین ایاقی آتدا پایمال اولان گون
طاقتیم دونوبدی امر غارتیله طاقه قارداش
.
.
عرض ائدیم سنه برادر هانسی جوروظلمدن من
وار یئری بوسوزده ائتسه ناله عرش حی ذوالمن
هر یتیمه قیز یخلدی حمله ایلیینده دشمن
تازیانه قورخوسوندان دورمییب ایاقه قارداش
.
.
شرح ماجرای غارت باشه یئتمیین دی قارداش
هر جفا گلیب الیندن ایلییب بیر عده اوباش
گورمییب او وضع حالی زینبین ئولیدی ایکاش
گویده آغلادی ملک لر ایله اتفاقه قارداش
.
.
نه دئیم، ائله جنایت چشم روزگار گورمز
هیچ کیمه روا او ظلمی چرخ کجمدار گورمز
سهلدور کتاب اهلی،دیلم و تتار گورمز
چکمیشوخ نلر سوروشما،عاجزم دئماقه قارداش
.
.
بار محنت و مصیبت سرو قدیمی ائدیب خم
سوز غم چکر زبانه یاد ائدنده دلده هر دم
خوشدور عترتون سویولماق ماجراسی قالسامبهم
دستگیر اولوب عیالین فرقه نفاقه قارداش
.
.
اهلبیتوین اوجالدی عرشه ناله و فغانی
یاندی قلبمیز دوباره ترک ائدنده نینوانی
تا مکان وئریب لر عریان ناقه اوسته هر بالانی
چوخ لاری دوشوبدی ناگه یوللاناندا ناقه قارداش
.
.
زینبی سالیب ایاخدان باشیوین غم وبلاسی
قویمییب جفاده نقصان شام و کوفه اشقیاسی
شمردنده یاندیریب چوخ منی خولینون جفاسی
سوزی آهیمین سزادی اود ویرا عراقه قارداش
.
.
قانلی باشیوی اوگون کی خولی میهمان آپاردی
بیرجفا ائدیب آنامدان طاقت وتوان آپاردی
چشم خونفشان تنوره خسته باغبان آپاردی
گوردی صدمه دست گلچین یئتیریب بوداقه قارداش
.
.
یوزده کی علامتیندن آنلادی بودلشکسته
خولیه قوناق گئدیب سن ای شهنشه خجسته
ائتمه دی حیا اوبی شرم قویدی باشیوی کول اوسته
کیم تنورده وئریب یئر یاره لی قوناقه قارداش
.
.
نیزده کوله بلشمیش باشین اولدی تا نمایان
زلف اکبرین تک اولدی خاطریم منیم پریشان
مه جمالیوه چکیلمیش گوردوم اوندا پرده قاندان
ماه مصطفا دوشوبدی آی کیمی محاقه قارداش
.
.
هرقدر دئسم یئتیشمز کوفه محنتی تمامه
اوزگه ظلم اولوبدی اوردا عترت شه انامه
اهل بیتیوی زیادین اوغلی چکدی بزم عامه
قیزلارین سالیبدی باشین شرمدن اشاقه قارداش
.
.
طشت ده قویوب قباقه باشیوی او شوم خونخوار
بیر جنایت ایلییبدی اول شقی ترین اشرار
فاطمه نوایه گلدی گوزلرین یوموبدی قیزلار
اوندا کی ائدیب اصابت خیزران دوداقه قارداش
.
#سبک_سو_یوخومدی_قیزلاروندان … 5 سبک
.
.
#اربعین
#قبریوی_ائدم_زیارت_دوشدوم_اشتیاقه_قارداش
#حمید_محرمی
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید