#قرآنه_عمل_ایتموری_قرآن_اوخینلر
.
#زبدةالاشعار
.
: @nohe_torki
.
مرحوم کهنمویی
.
قرآنه عمل ایتموری قرآن اوخینلر
قرآن یولونی گیتموری قرآن اوخینلر
.
.
معبوده عبادت یولی قرآنیدی قرآن
مخلوقه هدایت یولی قرآنیدی قرآن
دنیاده سعادت یولی قرآنیدی قرآن
قرآنه عمل ایتموری قرآن اوخینلر
.
.
بیر عده نی مشغول ایلیوب درس قرائت
بیر عده ایدور بحث ندور حکم بلاغت
بیر عده ده باغلور قولونا گورمیه آفت
قرآنه عمل ایتموری قرآن اوخینلر
.
.
هر وعده اولونسا اونا مطلق اجل ایستور
نحلی یارادان خالقی اوندان عسل ایستور
قرآنی بیزه گونده رن الله عمل ایستور
قرآنه عمل ایتموری قرآن اوخینلر
.
.
بیر عده که انکار ایدیر آیات کتابی
کافر دیله مطلق اولارین پاکدی حسابی
هر کس که منافقدی اونون چوخدی عذابی
قرآنه عمل ایتموری قرآن اوخینلر
.
.
چوخلار سوؤنور اسم اروپانی دینده
آداب مسیحی و نصارانی دینده
اما قولاق آسماز اونا قرآنی دینده
قرآنه عمل ایتموری قرآن اوخینلر
.
.
هر عمر ایلین قیمت ایّامنی بیلسون
هر امرده لازمدی سرانجامنی بیلسون
دین اهلی گرک دیننون احکامنی بیلسون
قرآنه عمل ایتموری قرآن اوخینلر
.
.
بیر عده آدی مُسلم اؤزی کافر مطلق
هرکس بیله دور عاردور اسلامه محقق
قرآن دیوری کیمدور اولان مؤمن برحق
قرآنه عمل ایتموری قرآن اوخینلر
.
.
هر کس اوخومور راه سعاداتینی بیلمور
هر بیر عملین اجر و مکافاتنی بیلمور
بیر عدّه اوخور معنی آیاتنی بیلمور
قرآنه عمل ایتموری قرآن اوخینلر
.
.
بو قاعده مرسوم جهاندور ازلیندن
زنبور عسل خلقه تانیندی عسلیندن
هر ملتی عالمده تانولار عملیندن
قرآنه عمل ایتموری قرآن اوخینلر
.
.
بیر عده جوانلار که بوگون دین ده قالمور
دین پرچمی بیر سایه باشی اوستونه سالمور
بوعلّته دور درسینی قرآنیدن آلمور
قرآنه عمل ایتموری قرآن اوخینلر
.
.
هر کس ایده دنیاده مسلمانلقی اظهار
برنامه سی قرآنیدی قرآن بیله ناچار
قرآن اوخیه ایلیه قرآنیله رفتار
قرآنه عمل ایتموری قرآن اوخینلر
.
.
جاهل اوزینون قبرین اوزی قازدی بوگونده
کج گیتدی حقیقت یولونی آزدی بوگونده
قرآن اوخیوب عامل اولان آزدی بوگونده
قرآنه عمل ایتموری قرآن اوخینلر
.
.
بیر عده ده قرآن اوخیوب دینی اوجاندی
اوز مالینی اوز جانین آغیر قیمته ساتدی
توپراقلارین اوستونده سوسوز قانینه باتدی
قرآنه عمل ایتموری قرآن اوخینلر
.
.
عباس علمداریده ذات الكرب ولدی
مالک اولوب اوز نفسینه چوخ با ادب اولدی
قرآن اوخودی ایچمدی سوتشنه لب اولدی
قرآنه عمل ایتموری قرآن اوخینلر
.
.
دنیاده ریاضی اوخی قرآن عمل ایله
هر آیه سی ایمانیدی ایمان عمل ایله
گر ایسته سون امرون اولا آسان عمل ایله
قرآنه عمل ایتموری قرآن اوخینلر
.
.
#ترکی
.
#زبدةالاشعار
.
: @nohe_torki
متن های پیشنهادی برای شما
ای کرامتی شهره پنج تن – حسن حسن #حسنیه_شایان_ارومیه
میلادیه حضرت امام حسن مجتبی علیه السلام . . #سبک_از_صلابت … . . کربلایی رحیم شایان . . ای کرامتی شهره پنج تن – حسن حسن صبری عالمی مات و مبهوت ایدن – حسن حسن . بو گیجه ایشیقلانوب حریم اهل بیت مقدمونبیشتر
چون ایلیوب مدینه دن عزم سفر حسین
خروج از مدینه گریز به مصائب حضرت اباعبدالله الحسین (ع) در روز #عاشورا و شهادت حضرت علی اصغر (ع) #اصغریه_شهادت . زبدة الاشعار . : @nohe_torki . مرحوم #راثی_تبریزی . چون ایلیوب مدینه دن عزم سفر حسین آشوبِ غم جهانهبیشتر
ای روحیم ای سلالۀ خیر سلیل اوغول #اکبریه_عاصی_تبریزی
زبانحال امام بسر نعش علی اکبر (ع) . #زبدةالاشعار . : @nohe_torki . مرحوم عاصی تبریزی . ای روحیم ای سلالۀ خیر سلیل اوغول ای عترت خلیلدن اوّل قتیل اوغول . گلجک سسون خیامه دیزیم دوشدی قوّه دن بی اختیار باشلادیم آه وبیشتر
بو سرزمین غم فزا کرب و بلادور ای باجی #ورود_کربلا_شهاب_تبریزی
ورود به کربلا زبانحال امام حسین (ع) با خواهر . . مرحوم شهاب تبریزی . . بو سرزمین غمفزا کرب و بلادور ای باجی یعنی فدای عشق ایچون کوه منادور ای باجی . . بو یر همان یردور ازل ختم رسل خیرالبشر جمله بلا و محنتین ویردی بیزهبیشتر
خط سیرینده گونون آیدور دوشن ایل آی دالینجا #عباسیه_شاکر_تبریزی
شهادت حضرت ابوالفضل العباس علیه السلام . زبدة الاشعار ?: @nohe_torki . مرحوم شاکر تبریزی . خط سیرینده گونون آیدور دوشن ایل آی دالینجا کربلا دشتینده گون دوشموشدی اما آی دالینجا . . گلدی گوردی آی فلکدن سیرینی سالموشبیشتر
ای برج ابتلاده غملر هلالی زهرا #فاطمیه_مصیبی_تبریزی
«زبانحال حضرت امیر(ع) بر پیکر حضرت زهرا(س)» . #زبدةالاشعار . : @nohe_torki . . #مصیبی_تبریزی . . ای برج ابتلاده غملر هلالی زهرا باشدان علی نی آتدون باشی بلالی زهرا . «ایوای یارالی زهرا ائلدن آرالی زهرا» . . یاندیبیشتر
نظر دهید