قلبیم ایوینده جوشقون احساسه عاشقم من #عباسیه_معروف_اهری

عشق اباالفضل (ع)
..
..
..
..
..
معروف اهری
..
..
..
..
..
قلبیم ائوینده جوشقون احساسه عاشقم من
احساسیلن اوجالمیش انفاسه عاشقم من
عشقیم منیم گوزلدی چون عشق پادشاهی
ام البنینین اوغلی عباسه عاشقم من
..
..
..
..
..
من عاشقم او شخصه دریای معرفتدی
تعریفینه شهامت شیواترین لغتدى
شاگرد برتر اولدی احساس مکتبینده
استادی شیر یزدان عبّاس على صفتدى
..
..
..
..
..
من مست جام فیض مستانۀ حسینم
شمعیم رُخ حسیندی پروانۀ حسینم
من قهرمان عشقم هیچ کس منی یخانماز
چون عاشق اباالفضل دیوانۀ حسینم
..
..
..
..
..
ئوز عشقیمه بیر آیری معشوقی قاتمارام من
ناچیز بیر بهایه بو عشقى ساتمارام من
عباس چون حسینی زینب کیمین سووردی
اولسون قسم حسینه عباسی آتمارام من
..
..
..
..
..
عبّاس او قهرماندی قول وئردی دین یولوندا
مردانه دوردی داغ تک حبل المتین یولوندا
تا زنده ام حسیندن ال اوزمرم، دلیلیم
عباسدور که گئچدی جاندان حسین یولوندا
..
..
..
..
..
اندازه دن حسینه احساسی خارج اولدی
دکترلرین طبیبی درده معالج اولدی
پروردۀ امامت پروردگار الیندن
شایسته منصب آلدی باب الحوائج اولدی
..
..
..
..
..
عباس ایستیوردی پیروز نهضت اولسون
سرزنده دین حقّ و راه امامت اولسون
ئوز اعتقادی اوسته دوشدی قولی بدندن
عباس قهرماندی، شکّاکه لعنت اولسون
..
..
..
..
..
عباس گئچدی گوزدن نور دوعینه خاطر
تسخیر ائدوب فراتی مولا حسینه خاطر
قول دینه دوتدی پرچم گوز دین یولوندا گئتدی
عطشان قالوب دوداقی باش سیندی دینه خاطر
..
..
..
..
..
قلبیم دوتار همیشه احساس دامنیندن
عشقون یاغار مداوم الماس دامنیندن
یئر گوی ستاره ،آی، گون، ئوپسه منیم الیمدن
بیر لحظه اوزمرم ال عباس دامنیندن
..
..
..
..
..