قیزیم آغلاما گَلمه بیله شیونه زهرا #پیامبراسلام_خوندل_تبریزی

زبانحال پیامبر اسلام صلی الله علیه و آله
.
زبدة الاشعار
.
: @nohe_torki
.
مرحوم حاج حیدر خوندل
.
قیزیم آغلاما گَلمه بیله شیونه زهرا
بو تیزلیقدا ملاقات ایدرسن منه زهرا
.
.
.
قیزیم آغلاما گُل تک بو عالمده سولارسان
بلا کانی بلا و غم و درده دولارسان
بو اهلیمدن ازل سن منه ملحق اولارسان
گر امن اولماسا بوردا گَل اول مَامنه زهرا
.
.
.
قیزیم رخت حیاتی بو آز وقته سویارسان
عزیز عمر و گونوندن بو عالمده دویارسان
عمون اوغلی علینی گوزی یاشلی قویارسان
آخار سیل سرشکی او گون دامنه زهرا
.
.
.
قیزیم آغلاما ایتمه یوزه اشکیوی جاری
هله ایمدیدن اولما غم و غصّه دچاری
گُل عمریوین اولسا خزان فصل بهاری
سولار گُل کیمی رنگون یتر غم منه زهرا
.
.
.
قیزیم آغلاما سینه هله داغلیه جاقسان
یوزه سیل سرشکون هله باغلیه جاقسان
غمیمده هله چولده گیدوب آغلیه جاقسان
سیزیلتون ایده جاقدی اثر دشمنه زهرا
.
.
.
هله آغلاما ویرمه منه غصّه و محنت
هله منده نفس وار، هله وار سنه عزّت
هله قوم جفاجو ایدَنمَزله جسارت
بو اشرار عرب اَل آچانماز سنه زهرا
.
.
.
قیزیم سن کیمی بیر قیز مصیبت چکن اولماز
گلستاندا سولان گُل جمالون کیمی سولماز
دولار ابری بهارون، ولی سن کیمی دولماز
سالار شعله ی آهون شرر گلشنه زهرا
.
.
.
قیزیم آغلاما ایتمه هله ناله و شیون
هله آچمیوب ایمدی جسارت اَلی دشمن
هله حقّیوی جبراً عدو آلمیوب الدن
هله شکر ایله اَلده اولان ایمنه زهرا
.
.
.
قیزیم آغلاسان آغلا قیامتلر اولاندا
قاپون دشمن اَلیله جفائیله یاناندا
او بی عاطفه قنفذ اَله قمچی آلاندا
وجودون دونه جاقدی گُل سوسنه زهرا
.
.
.
قیزیم بیعت آلاندا اولار حشریدن آیت
او محشرده وورالّار سنون سینوه ضربت
او ضربتدن علینون تاپار قلبی جراحت
اولار محشر کبری او شیر افکنه زهرا
.
.
#سبک_علی_جان_بالا_لبیک
.
.
#پیامبراسلام_شهادت
#قیزیم_آغلاما_گلمه_بیله_شیونه_زهرا
#خوندل_تبریزی
#ترکی
.
#زبدةالاشعار
.
: @nohe_torki