مقام عرفانی امام حسین (ع)
.
✍️ زبدة الاشعار ✍️
.
🆔: @nohe_torki
.
عباسعلی یحیوی اردبیلی
.
لمعه لمعه جلوه لندیجکن قیزیل قانین حسین
شوط ائدر ذرّات عالم مهر رخشانین حسین
.
.
سن که بسم الله رحمان الرّحیمین نوروسن
هم صراط المستقیمین ناشر و منشورسن
هم ده الحمد لربّ العالمین منظورسن
سن ده رحمان گوستریب آیات سبحانی حسین
.
.
سن شهادت مشربینده اشرف العشّاق سن
آیه آیه عشقی تأویل ایلین مشتاق سن
حکمت اقیانوسی سن آیینه خلّاق سن
خلقتی تعبیره چکمیش کلک عرفانین حسین
.
.
مسند تقدیس عشقین منضبط استادی سن
برتریّت قافی نین عرش آستان میعادی سن
بحر حیرتده شهادت دُرّی نین صیّادی سن
سرّ توحید اولدی درّ گنج شایانین حسین
.
.
حُسنِ مطلق پرده پرده گوزلریندن پارلاییر
نور حق عین عدالت سؤزلریندن پارلاییر
مُشتَعل روحون شعاعی گوزلریندن پارلاییر
نظمه سالمیش خلقتی روح پریشانین حسین
.
.
سن که مفتاح الفتوحِ مخزن الاسرارین
سر بِداران سرِ داره بویوک سردارسن
هم محیط هر مُحاط و مرکز پرگارسن
وصفه گلمز شرح آغازینله پایانین حسین
.
.
محتوای کلّی بیر جزئیله جوهر لَندیرن
امر غیبی فاش ائدیب توپراقه گویدن اَندرین
جوهر الاسراری عشق اللهیلن بَللندیرن
بانی و بنیان ومبنا روح رحمانین حسین
.
.
سن خُذینی یا سَیوفٌ سرّینه ائتدین عمل (1)
تا ابد دین محمّد تاپدی معناسین گوزل
جاری اولدی لحظۀ وصلت ده لبلردن غزل
حمد ربّی ذکر ائدیب لعل دُر افشانین حسین
.
.
حیدرین فُزتُ و رَبُّ الکَعبه سی تکرار اولوب
غرق بحر بهت و حیرت ثابت و سیار اولوب
شعشع شمس الشموس آفاقه آتشبار اولوب
نور عَلی نور اولدی سیمای درخشانین حسین
.
.
اَلبَلاء لِلوِلا سندن آلیب معناسینی
جوشه گتدین شور غیرتلن شرف دریاسینی
چون ازلدن نوش ائدیبسن معرفت صهباسینی
مست ائدیر قدّوسیانی صوت قرآنین حسین
.
.
قیل تبسّم غنچۀ جانبخشین آچسین لاله تک
آچ گوزون مقتلده ایمان حلقه وورسون هاله تک
اذن وئر کوثر چیله نسین خُلق پاکه ژاله تک
روضه رضوان کیمین گولسون گولوستانین حسین
.
.
ای که اَحبَبتُ اَن اُعرَف دن نشانین وار سنین (2)
قاب قوسینی کئچیب لایق مکانین وار سنین
لامکانه گوهر جان ارمغانین وارسنین
آب و خاک و باد و آتش تحت فرمانین حسین
.
.
حُبّ حق دن قدرت مئی دن سینیب ابریق تن
شوق وصلتدن سماعه باشلاییب باشسیز بدن
گول کیمین گول پیکره گییدین شقایقدن کفن
جنّتی مسحور ائدیب دیر عطر ریحانین حسین
.
.
بیر نیستان مثلی سینون گورنه پیکان پوش اولوب
شعلۀ سر آیریلیب دیر شمع تن خاموش اولوب
عرشیان و فرشیان قان آغلاییب مدهوش اولوب
حشره دک جان داغلاییب سیزلار نیستانین حسین
.
.
«ائلچی» ام من «یحیوی» استاد اعظم دیر آتام
شعریمی اُول حضرتین إثارینه حاشا قاتام
من کیمم آل علی نین عشقینی باشدان آتام
لایق اولسا ایلرم بو جانی قربانین حسین
ــــــــــــــــــ
(1) امام حسین (ع) : «إن کان دینُ محمّدٍ لَم یَستقِم، إلاّ بِقَتلی فَیا سیوفُ خُذینی» (اگر دین محمّد(ص) جز به کشتن من پایدار نمی‌ماند پس ای شمشیرها مرا بگیرید).
(2) حدیث «گنج پنهان» : داود علیه السلام گفت: «یا رَبّ لِماذا خَلَقْتَ الخَلْق؟ قال: کُنْتُ کَنزا مَخفّیا فَاَحبَبْتَ اَن اُعْرَف فَخَلَقْتُ الخلَقَ لاُِعرَف» یعنی: پروردگارا! برای چه مخلوقات را آفریدی؟ خدای تعالی فرمود: گنجی پنهان بودم، دوست داشتم که شناخته شوم، پس خلق را آفریدم تا مرا بشناسند. ( مجلسی، محمد باقر، بحارالأنوار، ج 84، ص 199 و 344، موسسه الوفاء، بیروت، 1404 هـ ق.)
.
.
.
#حسینیه_مدح
#لمعه_لمعه_جلوه_لندیجکن_قیزیل_قانین_حسین
#حسینیه_یحیوی_اردبیلی
برگرفته از کتاب #یادگار_یحیوی
#ترکی
.
✍️ #زبدةالاشعار ✍️
.
🆔: @nohe_torki
نظر دهید