لیل تاریم سنله دوندی اولدی روشن چون بَیاض #مهدیه_نوروزی_نوین

یا مهدی
.
#زبدةالاشعار
.
: @nohe_torki
.
علی نوروزی نوین
.
لیل تاریم سنله دوندی اولدی روشن چون بَیاض
عشقویله تازه دن بو شِیبِ جان اولموش ریاض
.
جانیوه ، جانا بو جانی ایسته ایفاد ایلیوم
قیل تفضّل حالیمه گل قویما فریاد ایلیوم
.
فایضا فیّاضسَن سندن بو عالم مُستَفیض
نور، رویوندن ایکی دنیادی هردم مستفیض
.
خاک پاک مقدموندور توتیای چشم حور
طلعتوندن شَعشَعه ایلور هامی دنیایه نور
.
سن سِپهر عشقده بیر نیّر تابنده سن
چوخلاری گلدی گیدوبدور،سن ولی پاینده سن
.
دولت سرمد عشقون عشق عالم مستدام
عشقوین ظَلّین باشیمدان چکمه شاه مُستظام
.
تَمشیَت بو بینوایه عشق سرشارون ویروب
عافیت بو قلب زاره چشم بیمارون ویروب
.
قلبیمی شان شان اِئدوبدور قاشلارون صَمصام وار
غرق ائدوبدور قلبیمی عشقون سنون قَمقام وار
.
ای مُنوّر هُور عالمتاب و ای سردار عشق
ای ملاحت بخش هستی ای گل گلزار عشق
.
ای وجودندن مُقَرنس طاقی اولموش استوار
إیلیور سندن اطاعت چار مام روزگار
.
صِیتِ حُسنوندن دولوبدور هم ثُریا هم ثَرا
ندّ، اولماز حسنوه مِصداق کَنزَاً مَخفیا
.
طُرّۀ طَرّاریوه دل باغلادیم دیوانه وار
شمع عشقون شعله سینده قوی یانیم پروانه وار
.
سِفر عمر اوراقینه عشقون ویروبدور،زین و زِیب
گورمسم رخسار ماهون ایلرم من چاک جِیب
.
اوج عزّتدور سنون عشقون دل غم مَنزله
بَحر غمدن، زورق مَقصوریمی چک ساحله
.
قَهقَرالردن قوتار،رَد ایله طیران رادعی
حَبل احسانیله باغلا نفس شیطان تابعی
.
إیله مُستخلص یم غمدن من مُستغرقی
فضلیله گل ، دوت الیمدن ای نجاتین زورقی
.
رافعُ المِقدارُ مِن کُلِ رَفیع سَن رافِعا
سَن شَفیعِ بنِ شَفیعِ بنِ شَفیع سن شافِعا
.
سن «نوینون» قَصرگفتارین مُطَنطَن ایلدون
عالمه اسرار عشقین سن ،مُبَرهن ایلدون
.
.
#لیل_تاریم_سنله_دوندی_اولدی_روشن_چون_بیاض
#ترکی
.
#زبدةالاشعار
.
: @nohe_torki