زبانحال حضرت زینب (س) در کنار بستر حضرت زهرا (س)
.
.
#سبک_یارالی_جان_یارالی … 4 سبک … #سبک_کربلا_منتظر_ماست … #سبک_شهریاریمسن_آقا …
.
.
مرحوم حاج محمد علی نیکوکار ( #تایید_تبریزی )
.
.
مادر ای طاقت جان جانیوه قربان آناجان
قوی دولانسون باشیوا زینب نالان آناجان
.
.
من باخان وقته سنون غصه لی آغلار گوزووه
آپارورسان بیر الون تئز قویوسان گول یوزووه
اوندا تغییر ویرورسن او یانیقلی سوزووه
زینبوندن ایدوسن دردیوی پنهان آناجان
.
.
دال اولوب الف قدون گل کیمی رنگون سارالوب
سن کیمی هانکی جوان تز بو جهاندا قوجالوب؟
قنفذون ظلمی سنون طاقتووی الدن آلوب
یا فشار در ایدوب قدووی چوگان آناجان
.
.
وارنه علت آلوسان بیرالووه اللریمی
بیر الونله داروسان سن بو قرا تللریمی
دارادوقجا دیوسن باشه گلن گونلریمی
تک حسین آدی گلنده دیوسن جان آناجان
.
.
قارداشون یوخدی اگر غم گونی غمخوارون اولا
غم یمه یوخدور آنان عاشق دیدارون اولا
سنه زینب آنادی خوشدی پرستارون اولا
سن کیمی ناخوشا جانلار اولا قربان آناجان
.
.
ندور علت آناجان دائم ئولومدن دیوسن
گه من غمزده دن گاهی حسندن دیوسن
گه حسینه باخوسان غصه و غمدن دیوسن
منیده آغلادوری صحبت هجران آناجان
.
.
سن گیجه یاتموشودون یاتمادی بیرلحظه گوزوم
باشوون اوستونه گلدیم یوزووی گوردوم اوزوم
آناوای اولدی اودورشام وسحردیلده سوزوم
اوسببدن بولورم دردووی الآن آناجان
.
.
تک نه نیلی یوزووی سینه وی ده گوردوم آنا
قلبیم اودلاندی گورنده اوگل اعضاده یارا
یارالی سینووه بوزینبوون جانی فدا
بولورم اولمیه جاق دردووه درمان آناجان
.
.
آنالارگرچه دیر اوزقزینادردودلین
دیل دئدوقجااوشاق اولسا اوپرحسرتله تلین
فکرینه گاهی گلراولسا قیزی تازه گلین
آناسیزاولسااوگون قلبی اولارقان آناجان
.
.
ائشیدردیم توخیاندادیوسن ئولسون آنان
هرگره سالدوقوجان دلده دیردون بالاجان
من اوسوزدن بولورم کرب وبلاایچره هاچان
پیرهن ایستیه جاق شاه لب عطشان آناجان
.
.
کوینگین مندن آلانداآنافریادیمه گل
آیریلیق دردی یاماندوراوگون امدادیمه گل
من بوغازیندان ئوپوم سنده منیم دادیمه گل
قویمایول اوسته حسینون اولاگریان آناجان
.
.
(تأئیدا)دردووی دی حضرت زهراقزینا
نوحه یازآغلادینه شافع عقباقزینا
یا دی زینب دلیجه عرض ایله طاهاقزینا
دینه ای طاقت جان جانووه قربان آناجان
.
.
.
.
#فاطمیه_شهادت
#مادر_ای_طاقت_جان_جانیوه_قربان_آناجان
#ترکی #فاطمیه
#زبدةالاشعار
متن های پیشنهادی برای شما
عمّه بوکیمون باشیدی خوش منظری واردور #حضرت_رقیه_غمناک_تبریزی
خرابه شام زبانحال حضرت رقیه سلام الله علیها به رأس انورحضرت سیدالشهدا علیه السلام . 
#زبدةالاشعار . 
: @nohe_torki . مرحوم غمناک تبریزی . عمّه بوکیمون باشیدی خوش منظری واردور بوقانلی گوزیله باباما بنذری واردور . بیشتر
برگ گلی گرک باد صبا اوپه #مجلس_یزید_ناصر_اردبیلی
مجلس یزید .. .. .. .. مرحوم ناصر اردبیلی .. .. .. .. برگ گلی گرک باد صبا اوپه یا بلبل ایلیه آه و نوا اوپه زهرا عزیزینون غنچه دوداقلارین انصافیدور نجه چوب جفا اوپه .. .. .. .. ای خیزران ندن سن ائتمدون حیا ویردون دوبارهبیشتر
شکر اللها عیدغدیر اولدی #غدیریه_بیدقداری
غدیریه . . #سبک_سیمین_بری با صدای استاد ، حاج داود بیدق داری . . مرحوم حاج داود بیدق داری . شکراللها عیدغدیر اولدی شامل بیزه فیض کثیر اولدی گللر آچیلدی چشمه لر جوشدی عالم هواسی دلپذیر اولدی . احمد دئدی ای حاجی لر کیمهبیشتر
سویولی باغلاندی اورکلر داغلاندی #عباسیه_عدلی_تبریزی
زبانحال امام حسین به حضرت ابوالفضل (ع) در روز عاشورا بعد از شهادت حضرت علی اکبر علیه السلام . زبدة الاشعار ?: @nohe_torki . حاج اصغر فرشچی ( عدلی تبریزی) . سویولی باغلاندی اورکلر داغلاندی سکینم اودلاندی گوزوندهبیشتر
علی محبتی قلبیمده تاپموش استیلا #حیدریه_تائب_تبریزی
ذکر فضایل حضرت علی (ع) – گریز به شهادت . #زبدةالاشعار . : @nohe_torki . مرحوم تائب تبریزی . علی محبتی قلبیمده تاپموش استیلا ایدوبدی دایرۀ عشقده منی دارا . علی وصیّ پیمبردی مطلقا سوز یوخ او نکته دن دليمبیشتر
اوچ گوندی بو گون فاطمه مشغول عزادی #پیامبراسلام_حسنیه_رضویه #صابر_تبریزی
وداع ماه صفر (آخرین روز ماه صفر) . زبدة الاشعار . : @nohe_torki . مرحوم صابر تبریزی . اوچ گوندی بو گون فاطمه مشغول عزادی گه ذکری حسن گاه بابا گاه رضادی . . . اوچ گوندی بو گون آغلوری گوگلرده ملکلر چون ترک ائلیوببیشتر
نظر دهید