مام عصمتدن تاپوب فیض ولادت مجتبی #حسنیه_بلوری

ولادت باسعادت امام حسن مجتبی (ع)
.
#زبدةالاشعار
.
: @nohe_torki
.
مرحوم بلوری
.
.
مام عصمتدن تاپوب فیض ولادت مجتبی
بیت زهرانی ائدویدور رشک جنت مجتبی
.
آچدی ذات کبریا عالملره باب کرم
نور وحدتدن یاراتدی بیر مقام محترم
محفل عشق و ولاده قویدی دنیایه قدم
ایلدی اول محفلی کانون عزّت مجتبی
.
.
ایلیوبدور نور حق بیت ولایتدن ظهور
خاک درگاهی اولوبدور توتیای چشم حور
شهر پیغمبر سراسر غرق نور و وجد و شور
خلق ائدوبدور یر یوزونده اوزگه حالت مجتبی
.
.
آلدی خورشید جهان نور جمالندان ضیا
تاپدی قرص ماه گردون فیض حسنوندن جلا
پایۀ عزّتده اولدی یر یوزی رشک سما
ملک دنیایه وئروب گور نه شرافت مجتبی
.
.
عطر گیسوسی جهانه نشر ائدوب عطر سمن
نکهت جانبخش وحدتدن دولوب صحن چمن
هر گله بلبل دیردی مژده کیم گلدی حسن
گلشن و گلزاری ایتدی باطراوت مجتبی
.
.
قویدی دنیایه قدم بند دل طاها بو گون
باغلادی تکریمنه بل موسی و عیسی بو گون
اولدی دنیایه مباهی حضرت زهرا بو گون
تا ویروبدور سینۀ زهرایه زینت مجتبی
.
.
آلدی آغوشه آناسی فاطمه دردانه سین
ائتدی نور مشعل جان گوهر یکدانه سین
ائتدی نورانی او گوهر فاطمه کاشانه سین
ایلدی مهد ولانی باب حاجت مجتبی
.
.
مظهر جود على اولدی بو مه سیمای عشق
اوغلونی آغوشه آلدی درّ تک دریای عشق
رمزیله تعلیم ایدوب دلبندینه سودای عشق
تا اولا سوداگر بازار وحدت مجتبی
.
.
گوز آچان دم حمد ائدوب خلاقینه اول مه جبین
باشلیوب تفسیر قرآنه ایدوب تبلیغ دین
حق ائدوب فیض ولادن سرور اهل یقین
اهل ایمانه اولوب نور هدایت مجتبی
.
.
برج عصمتده اولوب بیر نجم رخشان آشکار
تا اولا روشن فروغوندان جمال روزگار
نور حسنوندن اولوب خورشید عالم شرمسار
سالدی دنیایه اودم تا نور عصمت مجتبی
.
.
مقدمیندن غرق انعام اولدی ذرّات جهان
دین ایوین آباد ائدوبدور تاپدی شیعه تازه جان
مهبط انوار حق اولدی هامی کون و مکان
عالم امکانه آرتوردی جلالت مجتبی
.
.
ماه رحمتدی بلوری ماه پرفیض صیام
هر عمل اجراسینه مین اجر وار یوم قیام
چنگ ویر دامان مولایه بو آی هر صبح وشام
تا ائده شامل سنه احسان و رحمت مجتبی
.
.
.
.
.
#حسنیه_بلوری
#حسنیه_میلادیه
#مام_عصمتدن_تاپوب_فیض_ولادت_مجتبی
#ترکی
.
#زبدةالاشعار
.
: @nohe_torki