ورود محرم
زبدة الاشعار
: @nohe_torki
حاج اصغر فرشچی ( عدلی تبریزی)
پخش‌کننده صوت.
مظلوم حسینه عالم لر آغلار
زهرا علی هم پیغمبر آغلار
جاندار و بیجان هر نه وار آغلار
گلدی محرم باشلانوب بزم عزاسی
سسله حسینیم وای چاتا عرشه صداسی
کر:
الله ا کبر یا حسین الله اکبر
ای ما سواسیندن گچه دنیایه رهبر
شیعه بو آیدا گلسون نوایه
اولسون سیه پوش باتسون عزایه
ویرسون تسلی خیرالنسایه
کربوبلا دشتینده چون طوفا ن اولوبدی
مظلوم حسین اوزقانینه غلطان اولوبدی
گرگ قورو لسون بزم عزاسی
عرشه اوجالسون حسین صداسی
گتمز اورکدن دشمن جفاسی
اکبرکیمی شهزاده سی دوغراندی الله
زهرایه بنزر بیرقیزی نالاندی الله
یخوبلا بو آی ستون دینی
دونوب منایه غم سرزمینی
اولدوردی بو آی دشمن حسینی
کربوبلا ظلمی دیمه چاتدی تمامه
زینب اسیر اولدی گیدر بو آیدا شامه
عطشاندی اصغر غملی سفرده
یوخ سو ویرولسون یاندی بو درده
آغلور آناسی سوز شررده
سویلور آنا سو ایستمه یات اصغریم یات
شرمندیم یوخدور صودوم یات دلبریم یات
آجدی یاتانمور چون شیرخواره
لایلای دیور یات اول دلفکاره
قالموب ربابه تا را ه چاره
آخر قماطه اللرین باغلار آناسی
دوزمز بالا آغلار علی آغلارآناسی
غافل اولانلار ذات خدادن
چکمز له بوآی ظلم و جفادن
چوخ باش کسرلر بیر باش قفادن
اوچ گون قالارایسی قوم اوسته پاره تن لر
زینب الی باشدا گزر قارداشی سسلر
جهان ایدر فخر بو عزّ و شأنه
شفیع حقدی بو شیعانه
خدمت گزارین چکر جنانه
خادمدی (عدلی) بو شهه هم نوحه خواندی
غم محفلینده آغلیوب هم آغلاداندی
الله اکبر یا حسین الله اکبر
ای ما سواسیندن گچه دنیایه رهبر
#ورود_محرم #عدلی_تبریزی
#مظلوم_حسینه_عالم_لر_آغلار
#ترکی
: @nohe_torki
نظر دهید