منه کشف ایله ای زلفی پریشان قانلی باش کیمسن #دیر_راهب_حضرتی_ناعمی

دیر راهب
..
..
..
..
حضرتی (ناعمی)
..
..
..
..
منه کشف ایله ای زلفی پریشان قانلی باش کیمسن؟
سالوبسان عالم معنایه طوفان قانلی باش کیمسن؟
ذَبیحاً مِن قَفا
قتیلِ اشقیا
سنه عیسی فدا
سنه موسی فدا
..
..
..
..
منیم جسمیم منیم جانیم سنون اجلالیوه قربان
بو کول قان پرده چکمیش نازلی خطّ و خالوه قربان
اسارت قیدینه اول باغلانان اطفالیوه قربان
قالوبدور عترتون زار و نواخوان قانلی باش کیمسن؟
..
..
..
..
گؤرر گوز اولسا رخسارونده انوار سیادت وار
یقینیم واردی سنده اوزگه بیر شان و شرافت وار
ندن ای سرور وارسته آلنوندا جراحت وار
گوزونده لخته لنمیش بو قیزیل قان قانلی باش کیمسن؟
..
..
..
..
سنون دردون سالوب مین محنته عیسی مسیحانی
عزاخانه ائدوب ذات تعالی عرش رحمانی
قویوب آغلار ملالون حضرت ختم رسولانی
باتوبدور ماتمه روضات رضوان قانلی باش کیمسن؟
..
..
..
..
اگر سبط رسول الله سن ای شاه وارسته
کسوبدور امّتی بس باشوی هانسی گناه اوسته
سالوبدور عترت و اهل و عیالون چوللره خسته
اولوبدور قیزلارون صحراده ویلان قانلی باش کیمسن؟
..
..
..
..
ندور جرمون کسیلمیش قانلی باشون قالمیش اللرده
آدامسیز عترتون ویلان اولوب بو نوع چوللرده
نه طاقت وار نه آرامش بو غملی خسته دللرده
آخور گؤز یاشلاری محنتله هر آن قانلی باش کیمسن؟
..
..
..
..
باخوب خیل اسیرانه غم بی انتها گؤردوم
هاموسین درد و اندوه و بلایه مبتلا گوردوم
بو قاره معجر اطهارین یانان قلبین یارا گوردوم
ائدیردی هر بیری بیر نوع افغان قانلی باش کیمسن؟
..
..
..
..
اگرچه من بولاردا محنت و آه و اسف گوردوم
بو امرین باطنینده لیک بیر اوزگه هدف گؤردوم
بولاردا هم اصالت هم نجابت هم شرف گؤردوم
نوامیس خدادور بو اسیران قانلی باش کیمسن؟
..
..
..
..
بیرین گوردوم سکینه آدلیدی مفتونلارا اوخشار
بیرین گؤردوم که لیلادی ولی مجنونلارا اوخشار
بیری زینبدی هاردا زین اب پوزغونلارا اوخشار
منی ایلوبدی بو اسرار حیران قانلی باش کیمسن؟
..
..
..
..
#دیر_راهب #حضرتی_ناعمی #ترکی #زبدةالاشعار