من حبیبم یا حسین گلدیم نوا و داده من #حبیب_ابن_مظاهر #غفاری_زنجانی

زبانحال حضرت حبیب ابن مظاهر (ع)
.
#زبدةالاشعار
.
: @nohe_torki
.
غفاری زنجانی
.
من حبیبم یا حسین گلدیم نوا و داده من
گلمیشم دربان اولام بو درگه اعلاده من
.
.
بیر غلام درگهون اصحاب پیغمبر منم
ریزه خوارون سفرۀ جودینده ای سرور منم
گر قبول ایتسون قاپوندا بیر قوجا نوکر منم
سرفرازم یا حسین بو منصب عظماده من
.
.
لطف ایدوب ایتمشدون انشاء نامۀ زیبا منه
ایلدون لطف و کرم ای زادۀ زهرا منه
شأنیم آرتدى غبطه ایلر عاقبت دنیا منه
سر بلندم سایۀ لطفونده چون عقباده من
.
.
نیلورم دنیانی من ملک بقا مشتاقیم
دردمندم درگهونده چون دوا مشتاقیم
من فدای دین و قرآنم خدا مشتاقیم
شادم اوندا غرق اولام آلقانه بو صحراده من
.
.
لشکر حقّون حسین جان بیر قوجا سربازیم
راه حقّون باش جانیندن گیچن جانبازیم
دوغرانام مین یول قباقنده اورکدن راضیم
ئولمگی قرآن یولوندا بُلمشم چوخ ساده من
.
.
واریری گلسه بیانه اول عزیز مصطفی
لحن پر مهریله فرمایش ایده شمس هدا
احسن احسن خوش گلوبسن ای حبیبیم مرحبا
راضیم سندن حبیبیم هرایکی دنیاده من
.
.
ای منه یاور بلا صحراسینه خوش گلموسن
قویموسان منّت بو آل یاسینه خوش گلموسن
غرق اولان من تک بو قان دریاسینه خوش گلموسن
قانه غرق اولّام حبیبیم صبح عاشوراده من
.
.
روسیه غفاریم نالان و زارم یاحسین
خیر عمل الده یوخومدی شرمسارم یاحسین
روز محشرده سنه امّیدوارم یاحسین
ال منیم دامن سنون عرض ایلرم عقباده من
.
.
.
#حبیب_ابن_مظاهر #غفاری_زنجانی
#اصحاب_الحسین
#من_حبیبم_یا_حسین_گلدیم_نوا_و_داده_من
#ترکی
.
#زبدةالاشعار
.
: @nohe_torki