من خالقم که خلقی وفاجو یاراتمیشام #رضویه_نصیری_میانجی

مدح حضرت امام رضا علیه السلام
.
زبدة الاشعار
.
: @nohe_torki
.
محمدرضا نصیری
.
من خالقم که خلقی وفاجو یاراتمیشام
جان بذل ائدوب اولاردا تکاپو یاراتمیشام
.
عاشقده نور معرفتی جلوه لندیروب
عارف دیلینده نغمه ی یاهو یاراتمیشام
.
مظلوم لارا جهاندا حمایتگر اولماقا
ذرّ عالمینده ضامن آهو یاراتمیشام
.
بیر باجی ورمیشم اونا معصومه دور آدی
زینب کیمی مخدره بانو یاراتمشام
.
عالم پناهیدور او باجی قارداشین ائوی
ائو سهلیدور که سویملی مینو یاراتمشام
.
هر چند بیر بیریندن اوزاق دوشدولر اولار
عشقه من آیریلیخ ایشیقین سو یاراتمشام
.
مشهدده سال حسینی یادا قمدا زینبی
عشاق سرگذشتینی همسو یاراتمشام
.
آری رضادی مقصد و مقصود رحمته
اوندا بو خُلق رحمتیمی خو یاراتمشام
.
آهو بهانه ایدی بشر هوشیار اولا
معصوم الینده دردلره دارو یاراتمشام
.
موسی الرضانی یعنی هامی خلق عالمه
حامی و دستگیر و دعاگو یاراتمیشام
.
خوش صورتینده سیرتینی ایلیوب عیان
حبلِ الهی دن اونا گیسو یاراتمیشام
.
انسانلیقا ، ستاره لیقا ، مهربانلیقا
خلقه او پاک سیرتی الگو یاراتمیشام
.
خوشروترین امام خلایقدی مرتضی
حیدر کیمی رضانیده خوشرو یاراتمیشام
.
معجز نما ملکلریمون نازلی شهپرین
زیبنده آستانینه جارو یاراتمیشام
.
چوخ مشکلات حل اولار اُول آستانه ده
چوخ معجزه میان هیاهو یاراتمیشام
.
هر کیم خلوصیلن یتیشوبدور او درگهه
روز ازلدن عشقینی نیکو یاراتمیشام
.
جنّاته میهمان گله جک خادم الرضا
علت اودور که جنتی خوشبو یاراتمیشام
.
عاصی (نصیری)دور بیزه اشعار نظم ائدن
طبعینده عاصی اولسادا نیرو یاراتمیشام
.
.
#رضویه_مدح
#من_خالقم_که_خلقی_وفاجو_یاراتمیشام
#رضویه_نصیری_میانجی #ترکی
.
#زبدةالاشعار
.
: @nohe_torki