موسم دلپذیر دور بوگیجه #حیدریه_آذرین_خلخال

غدیریه
.
زبدة الاشعار
.
: @nohe_torki
.
ودود آذرین خلخال
.
موسم دلپذیر دور بوگیجه
شاد ؛ خرد و کبیر دور بوگیجه
عطر مشک و عبیر دور بوگیجه
هامی دیللر خبیر دور بوگیجه
شب شاه دلیر دور بوگیجه
شب عید غدیر دور بوگیجه
.
.
آچلیب سفره کرامت عشق
بیلینوبدی بو چولده قیمت عشق
روشن اولسین گرک حقیقت عشق
بونی اعلان ایدوبدی حضرت عشق
برهه بی نظیر دور بوگیجه
شب عید غدیر دور بوگیجه
.
.
مصطفی حجة الوداعینده
سسلدی ای حقه اولان بنده
واردی چوخ چوخ بهالی سوز منده
ایشیدن ذکرایله بونی سنده
فقط حیدر امیر دور بوگیجه
شب عید غدیر دور بوگیجه
.
.
گلدی بلَّغ صداسی گویلردن
خاتم مرسله دییلدی سخن
ایلسون بوسوزی عوامه علن
حیدر اولدی ولی عهد و زمن
شیعه به به بصیر دور بوگیجه
شب عید غدیر دور بوگیجه
.
.
سیزلره گر جهاندا مولایم
آیت و اسوه تولایم
هر زماندا امیر و اولایم
مصدر لا اله الایم
بو رسالت خطیر دور بوگیجه
شب عید غدیر دور بوگیجه
.
.
سیزکی بیلدوز منی جهانه امیر
منه بوندان صورا علی دی وزیر
دولوب اوندا هلایه دشت غدیر
هرطرف صوت مرحبادی گلیر
سوینن شاب و پیردور بوگیجه
شب عید غدیر دور بوگیجه
.
.
اولدی اکمل بویرده دین مبین
حیدر اولدی امام اهل یقین
نه فقط شوره گلدی اهل زمین
سوینوب ساکنان عرش برین
شب ماه منیردور بوگیجه
شب عید غدیر دور بوگیجه
.
.
بیزه واجبدی احترام علی
هامیا گر یته پیام علی
درس دور سیره و کلام علی
(آذرین) سنده اول غلام علی
دشمنان سر بزیردور بوگیجه
شب عید غدیر دور بوگیجه
.
.
#غدیریه_حیدریه_مدح
#موسم_دلپذیر_دور_بو_گیجه
#ترکی
.
#زبدةالاشعار
.
: @nohe_torki