ندندور بو گجه حالون پریشاندور آنام اوغلی #حسنیه_شبیری

زبانحال حضرت زینب (س)
در شهادت امام حسن مجتبی (ع)
..
..
..
..
مرحوم سعید شبیری
..
..
..
..
ندندور بو گجه حالون پریشاندور آنام اوغلی
سولوب رنگون دوداقوندا بو نه قاندور آنام اوغلی
..
..
..
..
بیان ایت حالوی واضح منی غمدن خلاص ایله
ندور علت گوزون یاشی دونوب قارداش بیله سیله
مگر مسموم اولوبسان گل عذارون سبز اولوب بیله
یوزونده زهرین آثاری نمایاندور آنام اوغلی
..
..
..
..
خزان اولسا چمن بلبل گوزی قارداش دولار دولماز
گلستاندا قزل گل باد ظلمیله سولار سولماز
بو حاله دوشسه قارداش باجی قلبی قان اولار اولماز
باجون زینب بو پوزقون حاله قرباندور آنام اوغلی
..
..
..
..
نفسدن نطقدن دوشدون بو قدری پیچ و تاب ایتمه
او حسرت گوزلریله قلبیمی قارداش کباب ایتمه
بیر آز صبر ایله صبح اولسون بو قدری اضطراب ایتمه
گوراخ بو دردیوه آخر نه درماندور آنام اوغلی
..
..
..
..
بو رسم گلستاندور برگ گلدن شبنم آیریلماز
بو عالمده بلا اهلى ولادن بیر دم آیریلماز
نقدری عمر ائدم دنیاده مندنده غم آیریلماز
گونی گوندن غم و دردیم فراواندور آنام اوغلی
..
..
..
..
سنی مسموم ایدن کیمدور منه واضح بیان ایله
بو کوزه داستانین ساخلاما دلده عیان ایله
او پوزقون حالیوه قربان منی آز باغرى قان ایله
اورکده هر سوزون وار دور منه آندور آنام اوغلی
..
..
..
..
سنون عالمده مظلوم ئولماقون دنیایه نسگلدور
منیم بو قان اولان گوز یاشیمه باعث یانان دلدور
بولورسن باجیه قارداش فراقی امر مشکلدور
مگر بو مشکلی حل ایتماق آساندور آنام اوغلی
..
..
..
..
نجه ایلوم حسینه من خبر بو درد عظمانی
دیوم گل قارداشوندا گور حسین حال غم افزانی
بیله بولّم گلوب گورسه چخار افلاکه افغانی
دیر دنیاده قارداش قارداشا جاندور آنام اوغلی
..
..
..
..
اگر مین ایل بو دنیاده قالام قارداش من ناشاد
ایده آخرده طوفان بلا بو جسمیمی بر باد
بو نصف شبده زهریله برادر دوغرانان اکباد
فغان و دادیمه هر لحظه عنواندور آنام اوغلی
..
..
..
..
جمالون گولدى قارداش گلشن زهرایه زیبنده
سنی گورسه هامی گوللر اولار عالمده شرمنده
ولی زهر جفا ایله پوزوب ایلوب پراکنده
وجودون گوئیا پوزقون گلستاندور آنام اوغلی
..
..
..
..
آنام رحلت ایدن گوندن منیم قارداش یوزوم گلمز
او گوندن نار هجرانیله یانّام اوزگه سی بولمز
عجبدور بیر بیله درد و غمیله زینبون ئولمز
ئولوم مشکلدی اوندان سخت هجراندور آنام اوغلی
..
..
..
..
سنیله ایتمدی سازش بیر آن دور زمان قارداش
بو چرخ کجمدارین گردشندن الامان قارداش
سنه بیر نوعیله هر گون ویروب بیر کاسه قان قارداش
بو طشت ایچره اولان قانلار همان قاندور آنام اوغلی
..
..
..
..
شبیری بیزلریله افتخار ایلر بو دنیاده
توکر گوز یاشینی نوحه یازان وقته گلر داده
نظر قیل تا سعادتمند اولا دنیا و عقباده
بیزه دنیاده چون دائم ثناخواندور آنام اوغلی
..
..
..
..
#حسنیه #شبیری #حسنیه_شهادت #ترکی #زبدةالاشعار