در مدح و میلادیه حضرت خاتم الانبیا (ص) و امام جعفر صادق (ع)
.
زبدة الاشعار
.
: @nohe_torki
.
رضوی زنجانی
.
نُه سمایه سس دوشدی
منبع کرم گلدی
خواجۀ دو عالم دور
شاه ذوالکرم گلدی
.
.
کائناته سروردی فرق عدله سروردی
یعنی ختم مرسلدی آخرین پیمبردی
کنز حقّه گوهردی خلقته بو جوهردی
اشرف خلایقدی مفخر اُمَم گلدی
.
.
محور عنایتدی مخزن سخاوتدی
مشعل هدایتدی کائناته عزتدی
خاتم رسالتدی علت بو خلقتدی
روح عالم هستی عدله جان و دم گلدی
.
.
دیدینه گلور گویدن هی فرشته لر صف صف
شاد اولوب سما اهلی گلدی صاحب رفرف
جام شادی اللرده ساقی لر دوتوب کف کف
قدسیان الین ئوپسون دهره دمبدم گلدی
.
.
مقدم مبارکله دهره وئردی پیرایه
اهل عالمین اوسته لطفیله سالوب سایه
گورسنوب علامتلر لرزه دوشدی کسرایه
نقش ظلمه عالمده نقشۀ عدم گلدی
.
.
کائناته لطف ائتدی دست لم یزل به به
خلق ائدیبدی نوریندن قدرت ازل به به
شمس تک طلوع ائتدی شمسیدن گوزل به به
شمس حق بودور الحق جانینه قسم گلدی
.
.
رحمت خدا جوشه گلدی بحر رحمتده
خلق ائدیبدی بیر دُرّی یعنی کنز خلقتده
نورینی ائدوب ظاهر منطل امامتده
دهره حضرت صادق قویدی چون قدم گلدی
.
.
دهریده همین مولا باب علمی باز ائتدی
شیعه نی جهان ایچره یعنی سرفراز ائتدی
علمی گوستروب خلقه گور نه کشف راز ائتدی
قاف علمه چون ویرسین بی اوجا علم گلدی
.
.
#سبک_هر_کسی_کسی_دارد
پخش‌کننده صوت
#17ربیع
#نه_سمایه_سس_دوشدی_منبع_کرم_گلدی
#رضوی_زنجانی
#ترکی
.
#زبدةالاشعار .
: @nohe_torki
نظر دهید